«مەملەكەت باسشىسىنىڭ وكىمىمەن قازاقستان حالقىنىڭ قاۋىپسىزدىگى ءۇشىن ەلىمىزدە توتەنشە جاعداي ەنگىزىلدى. پرەمەر-ءمينيستردىڭ جەتەكشىلىگىمەن توتەنشە جاعداي رەجىمىن قامتاماسىز ەتۋ جونىندەگى مەملەكەتتىك كوميسسيا بۇگىن دە جۇمىس ىستەپ جاتىر. قابىلدانعان شارالاردىڭ نەگىزگى ماقساتى - كوروناۆيرۋس ىندەتىنىڭ ەلىمىزدىڭ باسقا وڭىرلەرىنە تارالۋىن تەجەۋ»، - دەدى ەرالى توعجانوۆ ۇكىمەتتىڭ باسپا ءسوز ورتالىعىندا وتكەن ونلاين رەجىمدەگى بريفينگ بارىسىندا.
ۇكىمەت باسشىسىنىڭ ورىنباسارى وسى ماقساتتا ناقتى بىرنەشە شارا قابىلدانعانىن ەسكە سالدى.
«بىرىنشىدەن نۇر-سۇلتان مەن الماتى قالالارىنا قالالارىنا كىرىپ-شىعۋ شەكتەلەدى. ناۋرىز ايىنىڭ 22 نەن ساعات 00.00 دەن باستاپ اتالعان ەكى قالا مەن اۋە، تەمىر جول، اۆتوبۋس ارقىلى ادام تاسۋ توقتاتىلادى. 22 نە دەيىن ازاماتتارعا ەلوردا مەن الماتىعا ەركىن كەلۋگە نەمەسە كەتۋگە بولادى. ەكىنشىدەن وندىرىستىك تاۋارلار ساتاتىن جانە ويىن-ساۋىق ورتالىقتارى، مادەنيەت، تاماقتانۋ جانە قىزمەت كورسەتۋ ورتالىقتارى ۋاقىتشا جابىلدى. ازىق-تۇلىك دۇكەندەرى مەن ءدارىحانالار بۇرىنعى ءتارتىپ بويىنشا جۇمىس ىستەۋدە»، - دەدى ول.
ەرالى توعجانوۆ ۇشىنشىدەن پرەزيدەنتتىڭ شەشىمىمەن قازاقستانداعى مەملەكەتتىك قىزمەتشىلەردىڭ 70 پايىزى قاشىقتان قىزمەت ەتۋ تارتىبىنە ءوتتى.
«نۇر-سۇلتان مەن الماتى قالالارىنىڭ مەنشىك تۇرىنە قاراماستان بارلىق مەملەكەتتىك مەكەمەلەردىڭ جۇمىسى قاشىقتان قىزمەت ەتۋ تارتىبىنە وتەدى. بۇل شارالاردىڭ نەگىزگى ماقستاى - ءار ازاماتتىڭ ءوز ۇيىندە بولۋىن، باسقا ازاماتتارمەن قارىم-قاتىناسىن تولىعىمەن شەكتەۋدى قامتاماسىز ەتۋ»، - دەدى ول.