ءوز سوزىندە سيندزو ابە ۇكىمەت فۋكۋسيما پرەفەكتۋراسىنداعى اسا قاتتى زارداپ شەككەن اۋداندارداعى قايتا قالپىنا كەلتىرۋ جۇمىستارىن جەدەلدەتىپ جاتقاندىعىن ايتتى.
ونىڭ سوزىنە قاراعاندا، پرەفەكتۋرا اۋماقتاعى ەۆاكۋاتسيا جايلى ەسكەرتۋلەردى بىرتىندەپ ازايتىپ وتىر. دەگەنمەن پرەمەر-مينيستر «فۋكۋسيما-1» ا ە س زارداپتارىن جويۋدىڭ ناتيجەلەرى تۋرالى ەش نارسە ايتپادى.
جاپونيا ب ا ق- تارىنىڭ دەرەكتەرىنە قاراعاندا، فۋكۋسيما پرەفەكتۋراسى اۋداندارىنىڭ باسىم بولىگىندە اپات ايماعىنان حالىقتى كوشىرۋ بويىنشا ەسكەرتۋ الىنىپ تاستالعانىمەن زارداپ شەككەندەردىڭ تەك 15 پروتسەنتى عانا ءوز قالالارىنا ورالعان.
ەسكە سالا كەتسەك، 2011-جىلى كۇشى 9,0 بالل جەر سىلكىنىسى بولىپ، ارتىنشا تۋىنداعان سۋناميدىڭ سالدارىنان 16 مىڭ ادام قازا تاپتى، 2539 ادام ءىز-ءتۇزسىز جوعالدى. جەر سىلكىنىسى مەن سۋنامي سالدارىنان «فۋكۋسيما-1» ا ە س- تەن كوپ مولشەردە راديواكتيۆتى زاتتار تارالىپ، چەرنوبىلدان كەيىنگى يادرولىق اپاتقا ۇشىراتقان بولاتىن.