وقىلۋى
ءا'ۋۋزۋ ءبيللاھيس- ءساميي'يل 'الييمي ءميناش ءشايتاانير- راجييم. ءبيسميللاھير- ءراحماانير- راحييم ءھۋا- اللاھۋل- ءلازي ءلا ءيلااھا ءيللا ءھۋا 'اليمۋل- عايبي ءۋاش- ءشاھااداتي ءھۋارراحماانۋر- راحييم ءھۋا- اللاھۋل- ءلازي ءلا ءيلااھا ءيللا ءھۋا ءال- ماليكۋل- ءقۋددۋۋسۋسسالاامۋل- مۋ'مينۋل - مۋھ ءايمينۋل ازييزۋل - ءجابباارۋل - مۋتاكاببيرۋ سۋبحاان- اللاھي ء'امما يۋشريكۋۋن ءھۋااللاھۋل- حااليقۋل- ءبااري'ۋل- مۋس اۋۋيرۋ ءلاھۋل- ءاسماا'ۋل- ءحۋسنا ءيۋۋساب- بيحۋ ءلاھۋ ءما فيس- ءسامااۋااتي ءۋال- ارد ىي ءۋا ءھۋال- ازييزۋلحاكييم.
ماعىناسى
راقىمىڭنان قۋىلعان شايتاننان ساقتاي گور دەپ، ءبارىن ەستۋشى ءھام ءبارىن ءبىلۋشى اللاعا سيىنامىن. اسا راقىمدى، ەرەكشە مەيىرىمدى اللانىڭ اتىمەن!
ول - وزىنەن باسقا ءتاڭىر بولماعان جالعىز اللا. عايىپتى دا، جاريانى دا[1] تولىق ءبىلۋشى. ول راحمان (كۇللى جاراتىلىسقا راقىمدى)، راحيم (اسىرەسە، ءمۇمىن قۇلدارىنا ەرەكشە مەيىرىمدى). ول - وزىنەن باسقا ءتاڭىر بولماعان جالعىز اللا. ماليك (شەكسىز بيلىك يەسى)، قۋددۋس ء(وزى قانداي ءمىنسىز ءارى پاك بولسا، كۇللى عالامدى دا ءاردايىم كىرشىكسىز تازا ۇستاۋشى)، ءسالام (ەسەندىك پەن بەيبىتشىلىك كەپىلى)، مۋ'مين (كۇمان مەن ۇرەيدەن ارىلتىپ، جۇرەكتەرگە يمان نۇرىن ۇيالاتۋشى)، ءمۋھايمين (كۇللى جاراتىلىستى باقىلاۋىندا ۇستاۋشى ءھام قورعاۋشى)، ازيز (ۇلى ءھام ۇستەم) ، ءجاببار (كۇللى بولمىستى وزىنە بويسۇندىرۋشى، زۇلىمدىق اتاۋلىنى جويىپ، ادىلدىك ورناتۋشى) ، مۇتاكاببير (ۇلىلىعىن پاش ەتۋگە تولىق قۇقىلى بولعان تەڭدەسى جوق ۇلىلىق يەسى) . اللا ولاردىڭ (مۇشىرىكتەردىڭ) وزىنە سەرىك ەتىپ قوسقاندارىنان جانە سەرىك قوسۋىنان مۇلدەم اۋلاق. اللا - حاليق (ءبارىن جوقتان جاراتقان جالعىز جاراتۋشى)، ءباري (جاراتۋدا ەشكىممەن ورتاقتاس تا، سەرىكتەس تە بولمايتىن ءمىنسىز جاراتۋشى)، مۋساۋۋير ء(ار جاراتىلىسقا وزىنە ساي ءارى جاراسىمدى كەسكىن- كەلبەت بەرىپ، بەينەلەۋشى). ەڭ كوركەم ەسىمدەر ءبىر وزىنە عانا ءتان. كۇللى اسپان الەمىندەگى مەن جەردەگىنىڭ ءبارى وعان: «(سەن - ءمىنسىزسىڭ. بار ماداق پەن شەكسىز شۇكىرشىلىك ءھام ەڭ كوركەم ەسىمدەر مەن تەڭدەسسىز قاسيەتتەر ءبىر وزىڭە عانا ءتان - دەپ)، ۇنەمى ماداق جاۋدىرادى! ول - ازيز (ۇلى ءھام ۇستەم)، حاكيم ء(ار ۇكىمى مەن ءار ىسىندە كوپتەگەن حيكمەتتەر بولعان اسقان دانا). [2]
ارداقتى پايعامبارىمىز (ساللاللاھۋ ءالايھي ءۋا ءساللام) ءبىر حاديس- شارىپىندە: «كىمدە- كىم تاڭەرتەڭ ءۇش رەت: «(راقىمىڭنان) قۋىلعان شايتاننان، ساقتاي گور دەپ، ءبارىن ەستۋشى ءھام ءبارىن ءبىلۋشى اللاعا سيىنامىن»، - دەگەن سوڭ «حاشر» سۇرەسىنىڭ سوڭعى ءۇش اياتىن وقىسا، اللا تاعالا الگى قۇلى ءۇشىن كەشكە دەيىن كەشىرىم تىلەپ، دۇعا ەتەتىن جەتپىس مىڭ پەرىشتە تاعايىندايدى. ەگەر ول ادام سول كۇنى دۇنيەدەن وزسا، و دۇنيەگە شەيىت بولىپ اتتانادى. ال كىمدە- كىم كەشكە وقىسا، ونىڭ جاعدايى دا تاڭەرتەڭ وقىعان ادامنىڭ جاعدايىنداي بولادى»، - دەگەن.
[1] ياعني، سەزىم مۇشەلەرىمەن سەزىپ- ءبىلۋ مۇمكىن بولماعان تىلسىم الەمدى دە، سەزىلەتىن جاريا الەمدى دە تولىق ءبىلۋشى.
[2] "حاشر" سۇرەسى، 22-24 -اياتتار
1. ءسۋنانۋ تيرميزي، كيتابۋ فادايل ءال- قۋران 2846؛
2. ءمۋسنادۋ ءاحماد، ءاۋۋالۋ ءمۋسنادي ءال- باسريين 19419؛
3. ءسۋنانۋ ءدااريمي، فاداايل ءال- قۋران 3291
islam.kz