ءبىر مەكتەپتىڭ 70 وقۋشىسى «التىن بەلگى» يەگەرى اتاندى
بيىل مەكتەپتى بىتىرگەن 304 تۇلەكتىڭ 208 ءى ۇلتتىق ءبىرىڭعاي تەست تاپسىرىپ، ولاردىڭ 70 ءى «التىن بەلگى» يگەرى اتاندى. ال 30 تۇلەك ەرەكشە اتتەستاتقا قول جەتكىزدى.
ۇزدىك مەكتەپتەر قاتارىندا تۇرعان ءبىلىم ورداسىنىڭ وقۋشىلارى حالىقارالىق عىلىمي جوبا بايقاۋلارىندا دا توپ جارىپ كەلەدى.
«قازاقستان ەڭ دامىعان 30 ەلدىڭ قاتارىنا كىرۋ ءۇشىن ەلىمىزگە دارىندى بىلىكتى ماماندار قاجەت جانە وسى ماقساتتا، قازاقستاننىڭ بولاشاعىن جارقىن ەتۋ ماقساتىندا مەن حيميا ءپانىن تاڭدادىم. سەبەبى حيميا پانىنەن ەلىمىزدە قازىر ماماندار تاپشى»، - دەيدى بەيبارىس قامزابەك ەسىمدى تۇلەك.
ءبىلىم ورداسىن بىتىرگەن تۇلەكتەر ەلىمىزدىڭ ءتۇرلى سالالارىندا جەمىستى ەڭبەك ەتۋدە. ولاردىڭ قاتارىندا تانىمال ساياساتكەرلەر مەن كاسىپكەرلەر بار. بۇگىنگى تاڭدا دارىندى بالالار مەكتەبىنىڭ تۇلەكتەرى الەمنىڭ بەدەلدى جوعارى وقۋ ورىندارىندا ءبىلىم الۋدا.
«دۇنيەجۇزىندەگى ەڭ ۇزدىك وقۋ ورنى - ماسساچۋسەتس تەحنولوگيا ۋنيۆەرسيتەتى. وعان جىلىنا تەك 100 گە جۋىق شەتەلدىك ستۋدەنتتى قابىلدايدى. ال ءبىزدىڭ مەكتەپتەن سوڭعى 10 جىلدىڭ ىشىندە ماسساچۋسەتس تەحنولوگيا ينستيتۋتىنا 6 وقۋشىمىز ءتۇستى»، - دەيدى مەكتەپ ديرەكتورى قايروش ماكىشيەۆ.
مامانداندىرىلعان مەكتەپكە رەسەي، قىتاي، گونكونگ، سينگاپۋر ەلدەرى ارنايى گرانتتار بولەدى. سونىمەن قاتار ۇلتتىق كومپانيالار دا جاۋتىكوۆ مەكتەبىنىڭ تۇلەكتەرىنە ۇزدىك جوعارعى وقۋ ورىندارىندا ءبىلىم الۋعا مۇمكىندىك بەرىپ وتىر.
«بۇل ناتيجە ءبىزدىڭ ۇستازدارىمىزدىڭ ەڭبەگىنىڭ جەمىسى. ەندىگى ماقسات - ەل ابىرويىن ودان ءارى اسقاقتاتۋ» دەيدى مەكتەپ بىتىرۋشىلەر.
www.24.kz