جەڭىستىڭ 70 جىلدىعىنا ارنالعان اۆياشوۋعا ۇلى وتان سوعىسى كەزىنىڭ توعىز ۇشۋ اپپاراتى قاتىسادى
اۆياشوۋ الاڭداعى پارادتىڭ تاريحي جانە زاماناۋي بولىمىندەگى جاياۋ شەرۋ جانە مەحانيكالاندىرىلعان لەكتەر وتكەننەن كەيىن شىعادى. اۋەگە م ي-8, م ي-17, م ي-26, ە س-145 جاۋىنگەرلىك تىكۇشاقتارى، ت ۋ-134, ت ۋ-154, ا ن-26, ا ن-72, س-295 اسكەري- كولىكتىك اۆياتسيا ۇشاقتارى جانە س ۋ-25, س ۋ-27, س ۋ-30, م ي گ-27, م ي گ-29, م ي گ-31 مايداندىق اۆياتسيا ۇشاقتارى كوتەرىلەدى. الدا وتكىزىلەتىن اۆيا-شوۋدىڭ جالپى جوسپارى ازىرگە قۇپيا ۇستالىپ وتىر. الايدا ۇشقىشتار ۇشاقتار ارقىلى «70» سانىن جاساپ، ياعني مەرەيتوي كۇنىنىڭ نىشانىنا ۇقساپ ءتىزىلىپ تۇرىپ، سودان كەيىن جەكە جانە ءتۇرلى توپتاردىڭ جوعارعى پيلوتاجىنىڭ كەسكىندەمەسىن ورىنداۋ يدەياسىن ايتۋدا.
ۇلى وتان سوعىسى ارداگەرلەرىن لايىقتى دەڭگەيدە قۇتتىقتاۋ جانە ق ر ق ك ا ق ك اسكەري-اۋە كۇشتەرىن كورسەتۋ ءۇشىن پارادتىڭ قازىرگى كەزەڭىنە 185, ال تاريحي بولىمىنە توعىز بىلىكتى تاجىريبەلى قازاقستاندىق ۇشقىش الدىن الا ىرىكتەلىپ الىندى. قازىرگى ۋاقىتتا ولار بەلسەندى تۇردە جاتتىعۋلارمەن اينالىسىپ، ۇشۋدىڭ تەوريالىق جانە پراكتيكالىق دايارلىق كۋرسىنان وتۋدە.