وتكەن جىلى 70 قازاقستاندىق رەسەيلىك الاياقتارعا جەم بولدى
رەسەي ءى ءى م مالىمەتىنشە، 2014-جىلدىڭ قاڭتارىنان جەلتوقسان ايىنا دەيىن ر ف اۋماعىندا قازاقستاندىقتارعا قاتىستى 347 ۇرلىق جاسالعان، ونىڭ ىشىندە 11 ءى كولىك ايداپ اكەتۋ جاعدايلارى.
وتكەن جىلى 70 قازاقستاندىق الاياقتارعا جەم بولدى، 45 قازاقستاندىق تونالدى جانە تاعى 11 ىنە قاراقشىلىق شابۋىل جاسالدى.
ءبىزدىڭ ازاماتتارعا قاتىستى قىلمىس سانى جونىنەن ورتالىق فەدەرالدىق وكرۋگى (ماسكەۋ، ماسكەۋ وبلىسى) جانە ءسىبىر فەدەرالدى وكرۋگى (نوۆوسىبىر، تومسك، ومبى وبلىستارى مەن التاي ءوڭىرى) كوش باستاپ تۇر.
ر ف ءى ءى م مالىمەتىنە قاراعاندا، وتكەن جىلى قازاقستان ازاماتتارىنىڭ ءتورت كولىگى ماسكەۋدە، ءبىر كولىگى سانكت-پەتەربۋرگتە، ءبىر كولىگى ومبى وبلىسىندا، ءبىرى نوۆوسىبىر وبلىسىندا، ءبىرى كراسنويارسك وڭىرىندە، ءبىرى ورىنبور وبلىسىندا جانە ەكى كولىك كەمەروۆ وبلىسىندا ايداپ اكەتىلگەن.
توناۋ دەرەگى بويىنشا دا ماسكەۋ قالاسى الدا كەلەدى (7)، نوۆوسىبىر وبلىسى (7 دەرەك) جانە ماسكەۋ وبلىسى (3)، كالينينگراد، لەنينگراد، تومسك، ومبى جانە كەمەروۆ وبلىستارىندا ەكى دەرەكتەن.
ايتا كەتەيىك، وتكەن جىلدىڭ سوڭىنان بەرى رۋبل باعامىنىڭ دوللارعا شاققانداعى قۇنى وزگەرگەننەن كەيىن كورشى ەلدە ارزانداعان تاۋارلار قازاقستان ازاماتتارى ءۇشىن ءتيىمدى بولدى. كوپتەگەن قازاقستاندىقتار اۆتوكولىكتەر مەن تەحنيكالاردى ساتىپ الا باستادى. ق ر قارجى مينيسترلىگىنىڭ مەملەكەتتىك كىرىستەر كوميتەتى تاراتقان مالىمەتكە قاراعاندا، 2014-جىلدىڭ قاراشا-جەلتوقسان ايلارىندا قازاقستاندىقتار رەسەيدەن 22 مىڭ اۆتوكولىك الىپ كەلگەن، ولاردىڭ شامامەن ءۇش مىڭى استاناعا اكەلىندى. بۇدان كەيىن اقپارات قۇرالدارى رەسەيدە بەلگىسىز بىرەۋلەردىڭ قازاقستاندىقتارعا شابۋىل جاساپ جۇرگەندىگى جانە وتانداستارىمىزدىڭ ءىز-ءتۇسسىز جوعالىپ كەتىپ جاتقاندىعى جايلى حابار تاراتتى. ق ر ءى ءى م وكىلدەرى رەسەي جولدارىنداعى توناۋ مەن قاراقشىلىق شابۋىلدار جايلى اقپاراتتى راستامادى، ولاردىڭ ايتۋىنشا، مۇنداي دەرەك تىركەلمەگەن.