«اسكەرلەر پارادى - ەلىمىزدەگى ەڭ ماڭىزدى وقيعا». بيىلعى جىلى ءبىز ۇلى جەڭىستىڭ 70 جىلدىق مەرەيتويىن تويلايمىز. كوپتەگەن قازاقستاننىڭ وتباسىلاردا ۇلى وتان سوعىسىنا قاتىسۋشى بار ەكەنىن ماقتانىشپەن ايتا الامىز»، - دەيدى ق ر ق ك باس شتابى باستىعىنىڭ ورىنباسارى گەنەرال- مايور مۇقان دۇيسەكەيەۆ.
كۇندەلىكتى جاتتىعۋلار بارىسىندا ساپتىق جارعى تالاپتارى، ياعني، ۇيلەسىمدى جانە قارقىندى ادىمداۋ، تۇزۋلىكتى، ءبىرقالىپتى قارقىن مەن ىرعاقتى ساقتاۋ پىسىقتالادى. ءاربىر قاتىسۋشىعا ەرەكشە جاۋاپكەرشىلىك جۇكتەلگەن. سەبەبى، بۇل مەرەكەلىك اسكەري پارادتى ق ر ق م ورتالىق اپپاراتىنىڭ اسكەري قىزمەتشىلەرى اشاتىن بولادى.
سونىمەن قاتار جەرگىلىكتى جەرلەردە (قازاقستاننىڭ ءتۇرلى وڭىرلەرىندەگى ق ر ق ك اسكەر تۇرلەرى مەن تەكتەرىنىڭ اسكەري بولىمدەرىندە) بولەك جاتتىعۋلار وتكىزىلەدى. سودان كەيىن الداعى پارادقا بارلىق قاتىسۋشىلار استاناعا كەلىپ، وركەستردىڭ پارادتىق مارشىمەن ءبىرىڭعاي ساپ تۇزەپ ءوتۋ جانە ەلىمىزدىڭ قارۋلى كۇشتەرى ءتيىستى جوعارعى دەڭگەيدە كورسەتۋ ءۇشىن بىرلەسكەن دايارلىققا كىرىسەدى.
الداعى پاراد مەملەكەتىمىزدە بۇرىنعى وتكەن اسكەري پارادتاردىڭ ەڭ ءىرىسى بولاتىنىن اتاپ وتكىمىز كەلەدى. مۇنداعى جەكە قۇرام مەن اسكەري تەحنيكانىڭ سانى ەكى ەسە كوپ بولماق. كورەرمەن نازارىنا قازىرگى زامانعى قازاقستان قارۋلى كۇشتەرىمەن قاتار ۇلى وتان سوعىسى جىلدارىنداعى اسكەر كورىنىسى ۇسىنىلاتىن بولادى.