جەڭىستىڭ 70 جىلدىعىنا وراي حالىقارالىق ونلاين-كونفەرەنسيا ۇيىمداستىرىلدى - فوتو
10:03, 15 - اقپان 2015
كوكشەتاۋ. قازاقپارات - ستەپنوگور قالاسىندا جەڭىستىڭ 70 جىلدىعى مەن قازاقستان حالقى اسسامبلەياسىنىڭ 20 جىلدىعىنا وراي جەرگىلىكتى جاستار رەسۋرستىق ورتالىعى مەن «جەنسكي لۋچ» قوعامدىق بىرلەستىگى ونلاين- كونفەرەنتسيا ۇيىمداستىردى، دەپ حابارلادى وبلىستىق ىشكى ساياسات جانىنداعى «اقمولا مەديا ورتالىعى».
«مير» حالىقارالىق جاستار قوعامدىق ۇيىمىنىڭ مۇرىندىق بولۋىمەن وتكەن شاراعا ستەپنوگورلىكتەر تاراپىنان «قالالىق ارداگەرلەر كەڭەسى» قوعامدىق بىرلەستىگىنەن ۆاسيلي گاۆريلياتوۆ، ستەپنوگور قالاسىنىڭ ستۋدەنت جاستارى اكتيۆى، دوستىق جانە شىعارماشىلىق ءۇيىنىڭ ادىسكەرى تىلەۋجان ءتاشىموۆ جانە «كوشباسشى مەكتەبى» تاۋ-تەحنيكالىق كوللەدج وكىلدەرى قاتىستى.
كونفەرەنسيا بارىسىندا جاستار جانە قوعامدىق ۇيىمداردىڭ وكىلدەرى مەن ساراپشىلارى جانە ستۋدەنتتەر حالىقتار دوستىعى، ۇرپاقتان-ۇرپاققا جالعاسىپ كەلە جاتقان مادەنيەت پەن سالت- ءداستۇردى ساقتاۋ ماسەلەسى جونىندە اڭگىمە ءوربىتتى. شارا «1 م» جاستار ينتەرنەت- تەلەارناسىنىڭ سايتى ارقىلى تىكەلەي ەفيردە كورسەتىلدى.
اۆتور: اسلان وسپانوۆ