ەلوردانىڭ بەلسەندى جاستارىنىڭ وكىلدەرى وزدەرىنىڭ كۇش-جىگەرىن بىرىكتىرىپ، ارداگەرلەرگە كومەك كورسەتۋگە ۇيعاردى.
استانالىق بەلسەندىلەر اكسيا اياسىندا بارلىق ارداگەرلەردە بولىپ، ولاردى الداعى مەرەكەمەن قۇتتىقتاماق. الەۋمەتتىك كومەكتەن باسقا اكسياعا قاتىسۋشىلار ارداگەرلەر دەمالىسىن تۇرلەندىرۋ ءۇشىن ولارعا ولەڭدەر وقىپ بەرىپ، ستۋدەنتتىك ءومىر جاڭالىقتارىمەن بولىسەدى. اكسيا وسكەلەڭ ۇرپاقتىڭ بويىندا اعا ۇرپاق الدىنداعى جاۋاپكەرشىلىك پەن سەرگەكتىك سەزىمدەرىن تاربيەلەۋگە كومەكتەسەدى.
«ەلوردانىڭ بارلىق ۋنيۆەرسيتەتتەرىنىڭ، كوللەدجدەرىنىڭ ستۋدەنتتەرى بۇگىندە اكسياعا بەلسەنە قاتىسا وتىرىپ، ارداگەرلەرگە قار تازالاۋدا كومەكتەسۋدە. سونداي-اق جىل بويى ءبىز مۇنداي اكسيالاردى جالعاستىرۋدى جوسپارلاپ وتىرمىز»، - دەدى جاستار ساياساتى ورتالىعىنىڭ ءتوراعاسى نۇرمۇحامەد قادىراليەۆ.
ەسكە سالا كەتەيىك، استانا اكىمى ادىلبەك جاقسىبەكوۆ اپپاراتتىق كەڭەستەردىڭ بىرىندە ارداگەرلەردى جانە بارلىق ەگدە ادامداردى قولداۋعا باعىتتالعان الەۋمەتتىك سيپاتتاعى شارالار ۇيىمداستىرۋعا باستاما كوتەرگەن بولاتىن. بۇل ەڭ الدىمەن ەگدە ادامدارعا ۇنەمى قامقورلىق جاساپ، كوڭىل بولۋگە باعىتتالعان اكسيالار. اڭگىمە قارجىلاي شىعىنداردى تالاپ ەتپەيتىن، ونىڭ ەسەسىنە ەلەۋلى مورالدىق، پسيحولوگيالىق جانە تاربيەلىك ءمانى زور شارالار جونىندە بولىپ وتىر.