جاپوندار ا ق ش ۇكىمەتىنە 70 ميلليون دوللار ايىپپۇل تولەيدى
07:40, 09 - قاڭتار 2015
استانا. قازاقپارات - جاپوندىق Honda اۆتوموبيل كومپانياسى كولىكتەردەگى اقاۋدى جاسىرعانى ءۇشىن ا ق ش ۇكىمەتىنە رەكوردتى سوماداعى (70 ميلليون دوللار) ايىپپۇل تولەيدى.
«ءوندىرۋشى كومپانيا ءوز ونىمىنەن شىققان اقاۋدى ۋاقىتىندا حابارلاۋى ءتيىس. بۇنداي جاعدايدا ءبىز بۇل ماسەلەنى ۋاقىتىندا شەشۋگە تىرىسار ەدىك، بۇل وقيعالار ازاماتتارىمىزدىڭ قاۋىپسىزدىگىن ساقتاۋعا كەدەرگى كەلتىرەدى»، - دەدى ا ق ش كولىك ءمينيسترى ەنتوني فوكس.
جول قوزعالىسىنىڭ قاۋىپسىزدىگى باسقارماسى زەرتتەۋ جۇرگىزۋ بارىسىندا كومپانيا كولىكتەن شىققان اقاۋدى ۋاقىتىندا حابارلاماعانىن انىقتادى. بۇل كوپتەگەن جول اپاتىنىنىڭ بولۋىنا الىپ كەلگەن.
بەلگىلى بولعانداي، بۇل ايىپپۇل اۆتوونەركاسىپ سالاسىنداعى ەڭ ءىرى سوماداعى ايىپپۇلداردىڭ ءبىرى بولماق، دەپ جازادى شەتەلدىك ب ا ق.