سەمەيدە 70 جىلدان كەيىن مايدانگەردىڭ قىزىنا ۇلى وتان سوعىسى وردەنى تاپسىرىلدى
«رەسەي فەدەراتسياسى مينيسترلىگىنىڭ تاپسىرماسىمەن بۇگىن 1946- جىلعى 6- تامىزداعى ك س ر و جوعارعى كەڭەسى ءتورالقاسىنىڭ جارلىعىمەن ءوزباقان سيابايەۆ ەكىنشى دارەجەلى ۇلى وتان سوعىسى وردەنىمەن ماراپاتتالعان بولاتىن، بۇگىن وسى ماراپاتتى تاپسىرۋدىڭ ءساتى ءتۇسىپ تۇر. بۇل ماراپات 70 جىلعا جۋىق ۋاقىتتان كەيىن تۋىستارىنىڭ قولىنا ءتيىپ وتىر. رەسەيدىڭ باس كونسۋلدىعىنىڭ اتىنان مەن بۇل ماراپاتتى شىنايى ىلتيپاتپەن تاپسىرامىن»، - دەدى راسىمدە سويلەگەن سوزىندە رەسەيدىڭ قازاقستان رەسپۋبليكاسىنداعى باس كونسۋلدىعىنىڭ ۆيتسە-كونسۋلى سەرگەي شيمكو وتكەن سەنبى كۇنى.
قالانىڭ ىشكى ساياسات ءبولىمىنىڭ اقپاراتتىق سەكتورى 34 جاستاعى سەمەيلىك ءوزباقان سيابايەۆ 1946 جىلعى ەكىنشى دارەجەلى ۇلى وتان سوعىسى وردەنىمەن ماراپاتتالعانىن حابارلادى. وردەن كەزىندە تاپسىرىلماي قالعان، قورعانىس مينيسترلىگىنىڭ ساۋالىنا مەكەن-جايى تابىلماعانى جونىندە جاۋاپ بەرىلگەن.
«2012- جىلى سوعىس ارداگەرلەرىن ماراپاتتاۋ تۋرالى سايتتان بالالار اتاسىنىڭ تەگىن كورگەن. مەن رەسەي فەدەراتسياسىنىڭ مۇراعاتىنا حات جازدىم، ولار ماراپاتتاۋ بولدى، ءبىراق ناگرادا تاپسىرىلعان جوق، دەپ جاۋاپ بەردى»، - دەيدى سوعىس ارداگەرىنىڭ جالعىز قىزى تانزيرا سيابايەۆا.
ءوزباقان سيابايەۆ مايداننان ورالعاننان كەيىن كوپ جىلدار بويى كالينين اتىنداعى وردەندى سەمەي ەت-قالبىر كومبيناتىندا ەڭبەك ەتكەن. زەينەتكەرلىككە شىققاننان كەيىن سول ماڭداعى «سوتسياليستىك» كەڭشارىندا كوشىپ، شوپان بولىپ جۇمىس ىستەدى. 1984- جىلى ومىردەن ءوتتى.