الماتى وبلىسىندا 705 تەڭىز شايانىن زاڭسىز تاسىمالداعان كولىك جۇرگىزۋشىسى ۇستالدى
13:11, 27 - مامىر 2015
تالدىقورعان. قازاقپارات - الماتى وبلىسى مامانداندىرىلعان تابيعاتتى قورعاۋ پروكۋراتۋراسىنىڭ قىزمەتكەرلەرى «رۋبەج» كۇزەتىندە رەيدتىك شارالار جۇرگىزۋ بارىسىندا «Nissan Largo» ماركالى كولىكتى توقتاتقان.
تەكسەرۋ بارىسىندا سالوندا ءتيىستى قۇجاتتارسىز تاسىمالدانعان تەڭىز شاياندارى تابىلدى.
الماتى وبلىسى تابيعاتتى قورعاۋ پروكۋراتۋراسىنىڭ پروكۋرورى باۋىرجان ىبىرايەۆ حابارلاعانداي، ەكى پلاستماسس بوشكەدە 705 تەڭىز شايانى بولعان. شايان اۋلاۋ قۇرالدارى دا تاركىلەندى.
«كولىك جۇرگىزۋشىنىڭ ارەكەتىندە ق ر ق ك 339-بابىندا (سيرەك كەزدەسەتىن جانە جوعالىپ كەتۋدىڭ الدىندا تۇرعان جانۋار تۇرلەرىن زاڭسىز اۋلاۋ) كوزدەلگەن قىلمىس سيپاتى بار»، - دەپ ءتۇسىندىردى ب. ىبىرايەۆ.
قازىرگى ۋاقىتتا، شاياننىڭ سيرەك كەزدەسەتىن نەمەسە جوعالىپ كەتۋ الدىندا تۇرعان شايان تۇرىنە جاتاتىندىعى تۇرعىسىنان سوت- بيولوگيالىق ساراپتاما تاعايىندالدى.