قازاقستاندا مۇگەدەكتىگى بار ادامدار سانى 700 مىڭنان استى
زاڭنىڭ ماقساتى - مۇگەدەكتەردىڭ قۇقىقتارى تۋرالى كونۆەنتسياعا 2006-جىلعى 13- جەلتوقساندا ب ۇ ۇ- نىڭ باس اسسامبلەياسى قابىلداعان فاكۋلتاتيۆتىك حاتتامانى راتيفيكاتسيالاۋ. حاتتامانىڭ نەگىزگى ەرەجەلەرى قوعامنىڭ ازاماتتىق، ساياسي، ەكونوميكالىق، الەۋمەتتىك جانە مادەني ومىرىنە مۇگەدەكتىگى بار ادامداردىڭ قاتىسۋىن قامتاماسىز ەتۋگە جويۋعا باعىتتالعان.
«بۇگىندە ەلىمىزدە مۇگەدەكتىگى بار ازاماتتار سانى 700 مىڭنان استى. ونىڭ 59 پايىزى ەڭبەككە قابىلەتتى جاستاعى ازاماتتار، ,7 بالالار. بۇل ساناتتاعى ازاماتتارىمىزدىڭ ءومىر ءسۇرۋ ساپاسىن جاقسارتۋ - ۇكىمەتتىڭ كۇن تارتىبىندەگى ماڭىزدى ماسەلەلەردىڭ ءبىرى»، - دەدى ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا.
قازاقستان «مۇگەدەكتەردىڭ قۇقىقتارى تۋرالى» كونۆەنتسياعا جانە وعان قاتىستى فاكۋلتاتيۆتىك حاتتاماعا 2008-جىلعى جەلتوقساندا قول قويىپ، 2015-جىلى كونۆەنتسيانى راتيفيكاتسيالاعانى بەلگىلى. وسى ورايدا قازاقستان حالىقارالىق ستاندارتتارعا سايكەس مۇگەدەكتىگى بار ازاماتتاردىڭ قۇقىقتارىن قورعاۋدى قامتاماسىز ەتۋگە مىندەتتەمە الدى.
ءمينيستردىڭ ايتۋىنشا، وسى جىلدار ىشىندە وسى ساناتتاعى ازاماتتاردىڭ قۇقىقتارىنا قاتىستى زاڭدارعا وزگەرىستەر ەنگىزىلدى، 2025-جىلعا دەيىن مۇگەدەكتىگى بار ادامداردىڭ قۇقىقتارىن قامتاماسىز ەتۋ جانە ءومىر ءسۇرۋ ساپاسىن جاقسارتۋ جونىندەگى ۇلتتىق جوسپار قابىلداندى. بۇگىنگى كۇنى ونى ىسكە اسىرۋدىڭ 1^- ء^شى كەزەڭى اياقتالىپ، 2019-جىلدان باستاپ 2-كەزەڭنىڭ ءىس-شارالارى جۇزەگە اسىرىلىپ جاتىر.
«قازاقستاننىڭ وزىنە العان حالىقارالىق مىندەتتەمەلەرىن جانە اتقارىلعان شارالاردى ەسكەرە وتىرىپ، مەملەكەت باسشىسى 2020-جىلعى 22- قازاندا وتكەن ۇلتتىق قوعامدىق سەنىم كەڭەسىنىڭ وتىرىسىندا مۇگەدەكتەردىڭ قۇقىقتارى تۋرالى كونۆەنتسياعا فاكۋلتاتيۆتىك حاتتامانى راتيفيكاتسيالاۋ راسىمدەرىن اياقتاۋدى تاپسىردى. فاكۋلتاتيۆتىك حاتتامانى راتيفيكاتسيالاۋ ب ۇ ۇ مۇگەدەكتەردىڭ قۇقىقتارى جونىندەگى كوميتەتىنىڭ مۇگەدەكتىگى بار ادامداردىڭ جەكە حابارلامالارىن (شاعىمدارىن) قابىلداۋ جانە قاراۋ قۇزىرەتىن مويىنداۋدى بىلدىرەدى. حاتتاماعا سايكەس، مۇگەدەكتىگى بار ازاماتتار كونۆەنتسيانىڭ ەرەجەلەرى بۇزىلعان جاعدايدا، وسى كوميتەتكە حابارلامامەن نەمەسە شاعىممەن جۇگىنە الادى»، - دەدى ۆەدومستۆو باسشىسى.
ەگەر كەلىپ تۇسكەن شاعىم نەمەسە حابارلاما بويىنشا كونۆەنتسيادا بەكىتىلگەن قۇقىقتاردىڭ ەداۋىر نەمەسە جۇيەلى تۇردە بۇزىلعانىن كورسەتەتىن انىق اقپارات الىنسا، وندا كوميتەت ءوز ۇسىنىمدارىن ءتيىستى مۇشە مەملەكەتكە جانە ءوتىنىش بەرۋشىگە جىبەرەدى.
ارەكەت الگوريتمى كەلەسىدەي بولادى:
1) ۇسىنىم سىرتقى ىستەر مينيسترلىگىنە كەلىپ تۇسەدى؛
2) مينيسترلىك ونى باس پروكۋراتۋراعا جولدايدى؛
3) باس پروكۋراتۋرا ۋاكىلەتتى ورگاندارمەن بىرگە ۇسىنىمعا قۇقىقتىق تالداۋ جاساپ، ءوز ۇيعارىمىن ادىلەت مينيسترلىگىنە جىبەرەدى؛
4) ادىلەت مينيسترلىگى بۇل ۇيعارىمدى ۆەدومستۆوارالىق كوميسسيادا قاراپ، شەشىم شىعارادى؛
5) ادىلەت مينيسترلىگى وسى شەشىمگە سايكەس، قازاقستاننىڭ ۇستانىمىن كوميتەتكە جەتكىزەتىن بولادى.