«تاۋار اينالىمى ايتارلىقتاي تابىستى ءارى سەرپىندى دامىپ كەلەدى. وكىنىشكە قاراي، 2020 -جىلى قۇلدىراۋ بولدى. پاندەميا تاۋار اينالىمىنا ايتارلىقتاي وزگەرتۋلەر ەنگىزدى. 2019 -جىل جاقسى ديناميكا كورسەتسە، ال 2021 -جىل بارلىق ءۇمىتتىمىزدى جەلگە ۇشىردى. 2021 -جىلى 380 ميلليون دوللار تىكەلەي ينۆەستيتسيا تارتىپ، تاۋار اينالىمىن 700 ميلليون دوللارعا جەتكىزدىك. بيىلعى قاڭتار- تامىز ايلارىندا تاۋار اينالىمى 700 ميلليون دوللاردان استى جانە وسى جىلدىڭ قورىتىندىسىندا 1 ميلليارد دوللارعا جەتكىزەمىز دەگەن ءۇمىتىمىز بار»، - دەدى قازاقستاننىڭ كاناداداعى ەلشىسى اقىلبەك كامالدينوۆ قازاقستان- كانادا ىسكەرلىك كەڭەسىنىڭ V مەرەيتويلىق وتىرىسىندا.
كەزدەسۋدى ۇيىمداستىرۋشىلاردىڭ دەرەگىنشە، قازاقستاننان كاناداعا ەكسپورت اتالعان كەزەڭدە 3,6 ەسەگە ءوسىپ، 609,2 ميلليون ا ق ش دوللارىن قۇرادى.
اقىلبەك كامالدينوۆتىڭ ايتۋىنشا، قازاقستان ودان ءارى وڭدەۋ ءۇشىن كانادا نارىعىنا ۋران جەتكىزۋدە ءبىرىنشى ورىندا تۇر. جالپى، كانادالىق بيزنەس- قوعامداستىقتىڭ قازاقستان ەكونوميكاسىنىڭ ءتۇرلى سالالارىنا ۇلكەن قىزىعۋشىلىعى بار.
اۆتور
مارلان جيەمباي