س ق و ق ا ج د باسپا ءسوز قىزمەتىنىڭ مالىمەتىنشە، ە س-164/3 مەكەمەسى اۋماعىندا جەتى كاسىپكەر ءوز ءىسىن اشقان. ولار سوتتالعانداردى جۇمىسپەن قامتىپ وتىر. ءبىر اي بۇرىن مۇندا قۇرت ءوندىرىسى جولعا قويىلدى. ۇلتتىق تاعامدى دايىنداۋعا 5 ادام جۇمىلدىرىلعان. ولار ەكى اۋىسىمدا تاۋلىك بويى جۇمىس ىستەيدى، سايكەسىنشە ەڭبەكاقى الادى.
«بىزگە كۇندەلىكتى قۇرت جەتكىزەدى. ءبىز ونى ۇساقتاپ، ءتۇرلى قوسپالاردى - ماي، ءسۇت، تۇزدى قوسامىز. سالماعى 8-10 گ ر بولاتىنداي ەتىپ دوڭگەلەتىپ، قالىپقا كەلتىرەمىز. كەيىن كەپتىرىپ، ساتۋعا ىڭعايلى ەتىپ 30 گ ر ءبولىپ سالامىز. كۇنىنە ورتا ەسەپپەن وسىنداي 700 قاپتاما ازىرلەيمىز. ءبىر كۇندە شامامەن 40 كەلى ىرىمشىك جۇمسالادى. ىسكە كىرىسپەس بۇرىن بىزگە قالاي ىستەۋ كەرەكتىگىن ەكى كۇن بويى تەحنولوگ ۇيرەتتى. بۇرىن قۇرتتى قالاي ىستەيتىنىن اجەلەرىمىزدەن كورەتىنمىن. ال جالپى ماماندىعىم - اگرونوم»، - دەيدى قۇرت ءوندىرۋ سەحىنىڭ جۇمىسشىسى ارمان موڭكەبايەۆ.
ارمان قوستاناي وبلىسىنىڭ تۋماسى، ىشىمدىك ىشكەن كۇيى ءۇش مارتە كولىك تىزگىندەگەنى ءۇشىن 3 جىلعا باس بوستاندىعىنان ايىرىلعان. سونىڭ تەك 4 ايىن عانا وتەگەن ەكەن.
«ءساۋىر ايىندا كاسىپكەر بىزگە ۇسىنىسىمەن كەلدى. بوس تۇرعان عيماراتتى كورسەتتىك، وعان ۇنادى. ءبىر اي ءوندىرىستى باستاۋعا كەتتى، سەحتى دايىندادى، قاجەتتى قوندىرعىلاردى كىرگىزدى. سوتتالعانداردى وقىتتى، تاماق ءوندىرىسى بولعاندىقتان ولاردى ارنايى مەديتسينالىق تەكسەرىستەن وتكىزىپ، قۇجاتتارىن ازىرلەدى. تەك سودان كەيىن عانا ىسكە كىرىستى»، - دەيدى س ق و بويىنشا ق ا ج د ە س-164/3 مەكەمەسى بولىمشەسىنىڭ باستىعى باۋىرجان رۇستەموۆ.
جالپى س ق و- داعى تۇزەتۋ مەكەمەلەرىندە قازىرگى ۋاقىتتا 1600 سوتتالعان بار. ەڭبەككە جارامدى جازاسىن وتەۋشىلەردىڭ بۇگىندە % 55 - ى جۇمىسپەن قامتىلعان.
اۆتور: اقەركە داۋرەنبەك قىزى