قوستاناي وڭىرىندە اۋىلدىق ەلدى مەكەندەردەگى تۇرعىنداردى قولداۋعا ەرەكشە ءمان بەرىلدى. وعان وڭىرلەردەگى مەملەكەتتىك باعدارلامالاردىڭ ورىندالۋى دالەل. بيىل «ەڭبەك» باعدارلاماسى بويىنشا 540 شاعىن جانە ورتا بيزنەس سۋبەكتىسىنە 2,1 ميلليارد تەڭگە شاعىن نەسيە بەرىلدى. ناتيجەسىندە 691 جاڭا جۇمىس ورنى قۇرىلدى.
«قازىرگى ۋاقىتتا ق ر اۋىل شارۋاشىلىعى مينيسترلىگى سالالىق وداقتارمەن جانە اگروبيزنەس وكىلدەرىمەن بىرلەسىپ، ا و ك دامىتۋدىڭ 2022-2026 -جىلدارعا ارنالعان جاڭا تۇجىرىمداماسىن ازىرلەۋدە. ونىڭ نەگىزگى مىندەتى - مەملەكەت باسشىسىنىڭ ەڭبەك ونىمدىلىگىن 2,5 ەسەگە جانە وڭدەلگەن ءونىم ەكسپورتىن 2 ەسەگە ارتتىرۋ جونىندەگى تاپسىرماسىن ورىنداۋ. قوستاناي وبلىسى دا بۇل تاپسىرمالاردى ورىنداۋعا دايىن. الدىن الا جوسپار قۇرىلىپ، ءار اۋدان- قالا ا و ك- ءتى دامىتۋ باعدارلاماسىنىڭ ىسكە اسىرىلۋىنا جاۋاپتى بولادى. قازىردىڭ وزىندە ايماقتا 308 ستارتاپ جوبا بار. ولاردىڭ اۋقىمدىلارى ىرىكتەلىپ، كەشەندى جوبالار تىزىمىنە ەنەدى»، - دەيدى اۋىل شارۋاشىلىعى جانە جەر قاتىناستارى باسقارماسىنىڭ باسشىسى تيمۋر بيسيمبايەۆ.
بۇدان بولەك، اۋىل شارۋاشىلىعى باسقارماسى اۋدان اكىمدىكتەرىمەن بىرلەسىپ، 2021 -جىلعى ەگىس القاپتارىن ءارتاراپتاندىرۋ بويىنشا جۇمىس جۇرگىزۋدە. اتاپ ايتقاندا، وبلىس شارۋالارى قاراقۇمىق، كۇنباعىس مايى، كارتوپ جانە كوكونىستەر ءوسىرۋ ءۇشىن ارنايى القاپتارعا يە بولادى. الاڭداردى ءبولۋدى اۋىل شارۋاشىلىعى باسقارماسى ىسكە اسىرادى.