الماتى قالاسىنىڭ مامانداندىرىلعان اۋدانارالىق اكىمشىلىك سوتىنىڭ شەشىمىنە سايكەس، ماس كۇيىندە كولىك ايداعان 711 جۇرگىزۋشى اكىمشىلىك قاماۋعا الىندى. ال ونىڭ 1084- ءى كولىك ايداۋ قۇقىعىنان ايىرىلدى.
«بۇگىنگى تاڭدا مەگاپوليستە اپات دەڭگەيى % 41,3 - عا ازايدى. جالپى، الماتى جولدارىندا 1486 جول- كولىك وقيعاسى تىركەلىپ، سالدارىنان 46 ادام كوز جۇمىپ، تاعى ەكى مىڭعا جۋىق ادام ءتۇرلى دەنە جاراقاتىن الدى. سونداي- اق، جىل باسىنان بەرى جول قوزعالىسى ەرەجەسىن بۇزعان 546925 جۇرگىزۋشى انىقتالدى. قازىر قالادا كولىك قوزعالىسىن قاداعالاپ وتىراتىن اۆتوماتتاندىرىلعان 105 پوست جۇمىس ىستەيدى. «سەرگەك» جۇيەسىنىڭ كومەگىمەن 354083 بۇزۋشىلىق تىركەلدى، - دەيدى الماتى قالاسى دپ اكىمشىلىك پوليتسيا باسقارماسىنىڭ باستىعى جاندوس مۇراتاليەۆ.
اۆتور: الما مۇقانوۆا