رەسەيدە كوروناۆيرۋس جۇقتىرعاندار سانى 700 مىڭعا جۋىقتاپ قالدى
17:10, 01 - شىلدە 2020
ماسكەۋ. تاسس - قازاقپارات - رەسەيدە كوروناۆيرۋس جۇقتىرعاندار سانى 6556 ادامعا ارتىپ، 654405 كە جەتتى.
بۇل تۋرالى سارسەنبى كۇنى جۋرناليستەرگە جاڭا ينفەكسيانىڭ تارالۋىنا قارسى كۇرەس جونىندەگى جەدەل شتابتان ءمالىم ەتتى، دەپ حابارلايدى قازاقپارات تاسس-قا سىلتەمە جاساپ.
رەسەيدە التى كۇن بويى اۋرۋ جۇقتىرعاندار سانى تاۋلىگىنە 7 مىڭنان اسىپ وتىر. سوڭعى ەكى كۇندە تاۋلىكتىك ءوسىم سالىستىرمالى تۇردە %1 اسپايدى. قازىر ەمدەلىپ جاتقان ناۋقاستار سانى 225879 ادامنان 221938 ادامعا ازايدى. ءبىر تاۋلىكتە كوروناۆيرۋستان ەمدەلىپ شىققاندار سانى 10281 ادام بولسا، جازىلعانداردىڭ جالپى سانى - 422931.
شتابتىڭ مالىمەتىنە سايكەس، رەسەيدە ساۋىعىپ شىققانداردىڭ سانى كوروناۆيرۋس جۇقتىرعانداردىڭ d,6 قۇرايدى. رەسەيدە كوروناۆيرۋستان ءبىر تاۋلىكتە قايتىس بولعاندار سانى 216 ادامعا ارتىپ، 9536 نى قۇرادى. ءبىر تاۋلىك بۇرىن بۇل كورسەتكىش 154 ادام بولعان.