«بۇل كارتينا كەشە 700 مىڭ تەڭگەگە ساتىلدى، ال 28-30 ميلليونعا ساتىلدى دەگەن جۇرگىزۋشىلەردىڭ ءازىلى بولاتىن» ، - دەپ تۇسىنىكتەمە بەردى قازاقپارات تىلشىسىنە پاۆلودار وبلىسى اكىمىنىڭ باسپا ءسوز حاتشىسى ەرنار سەيتاحمەت.
اۋكسيونعا قويىلعان بولات باقاۋوۆتىڭ پورترەتى تۋرالى ەكى مينۋتتىق ۆيدەو الەۋمەتتىك جەلىلەردە تاراپ كەتكەن. وندا ەكى الەۋەتتى ساتىپ الۋشى اراسىنداعى نەگىزگى «تارتىس» كورسەتىلگەن. ول ۆيدەو جاڭا جىلعا ارنالعان قايىرىمدىلىق بالى كەزىندە پاۆلوداردىڭ «ەرتىس» قوناق ۇيىندە تۇسىرىلگەن. جازبادا ون ەكى ميلليوننان باستالعان ساۋدا جازىلىپ قالعان. اۋكسيوننىڭ قىزعان كەزىندە ەكى جۇرگىزۋشى ءتىپتى ساۋدالاسۋشىلاردىڭ ساحناعا شىعۋىن وتىنگەن. ول ۋاقىتتا ايماق اكىمىنىڭ پورترەتىن ساتىپ الۋعا ۇمىتكەرلەر قالماعان بولاتىن.
«بۇل كارتينانى اكىمگە اۋعان سوعىسى ارداگەرلەرى سىيلاعان بولاتىن »، - دەپ اتاپ ءوتتى ە. سەيتاحمەت.
ول جاڭا جىلدىق بالدان، ونىڭ ىشىندە اۋكسيوننان، شارالاردان، وسى لوتادان تۇسكەن بارلىق قاراجات قايىرىمدىلققا جۇمسالاتىنىن ايتتى.
جاقىندا عانا پاۆلودار وبلىسى اكىمىنىڭ جۋرناليستەرمەن كەزدەسۋىندە بولات باقاۋوۆ كىرۋ باعاسى 25000 تەڭگە تۇراتىن بۇل شارادان تۇسكەن قارجى زاعيپ جانە كورۋ قابىلەتى ناشار ادامدارعا كومەككە بەرىلەتىنىن ايتقان بولاتىن.