استانادا 700 ءبيشى ءبي بايقاۋىندا شەبەرلىك سىناسادى
قاتىسۋشىلار مەن ۇزدىك حورەوگرافتار ەلوردادا شوۋ فورماتىنداعى جارىستا بەسىنشى مارتە باس قوسادى. بيىل كونكۋرستا 700 ءبيشى شەبەرلىك سىناسادى، جەڭىمپاز 500 مىڭ تەڭگە كولەمىندە اقشالاي جۇلدەگە يە بولادى. «Choreo» اياسىندا بالالار، جاسوسپىرىمدەر اراسىندا چەمپيونات، ەرەسەكتەر اراسىندا ىرىكتەۋ تۋرىن وتكىزۋ جوسپارلانعان.
شارا باعدارلاماسىندا وقىتۋشىلارعا ارنالعان سەمينارلار مەن 6 جاس جانە ودان اسقان بالالارعا شەبەرلىك سىنىپتارى وتكىزىلمەك. «Choreo» بايقاۋى 26 -اقپانعا دەيىن جالعاسادى»، - دەپ حابارلاندى قالا اكىمدىگىنىڭ رەسمي سايتىندا.
قازىرگى زامانعى حورەوگرافيا بايقاۋى العاش رەت 2013 -جىلى ۇيىمداستىرىلعان بولاتىن، وعان 200 دەن استام ءبيشى قاتىستى. جوباعا قاتىسۋشىلار قازاقستاندا عانا ەمەس، ودان تىس جەرلەردە دە تانىمال. مىسالى، تەمىرتاۋلىق ماريا گلاۆاتسكيح Girls Community (ماسكەۋ) ەكىنشى قۇرامىنا قاتىستى، ءمادينا بەيسەكەيەۆا ت ن ت تەلەارناسىندا «تانسى» جوباسىنا ءوتتى، بىرنەشە قاتىسۋشى Unidance كومانداسىنىڭ وقىتۋشىلارى بولىپ تابىلادى، قاتىسۋشىلاردىڭ كوبى ۇزدىك شەتەلدىك حورەوگرافتاردان ءبىلىم الۋدا.
سونىمەن قاتار، «Choreo» بايقاۋى بيشىلەرگە شارانىڭ تۇراقتى ارىپتەستەرىنىڭ ءبىرى StarDanceCamp (كراسنودار ق. ) ءبي لاگەرىندە شەبەرلىك سىنىپقا قاتىسۋ مۇمكىندىگىن بەرەدى.