تالايدىڭ ءومىرىن جالماعان قايعىلى جاعداي بىلتىر 18- ساۋىردە بولعان دەپ حابارلايدى 24- ارنا.
كەلىمسەكتەردى تاسىمالدايتىن الپاۋىت كەمە اپاتقا ۇشىراپ، قانشاما ادام قازا تاپتى. الايدا ولاردىڭ ءمايىتى سۋ بەتىنە ءبىر جىلدان سوڭ شىعارىلدى. ارينە، تەڭىزشىلەرگە بۇل وڭايعا سوقپادى. انا مەن اكەنىڭ، ەت جۇرەگى باۋىرىنىڭ قازا تاپقانىن بىلە تۇرا ونى جەرلەي الماعاننان ۇلكەن قاسىرەت جوق.
بۇل كەمەدە سۋعا باتقان جۇزدەگەن ادامنىڭ تۋىستارى وسىنداي كۇي كەشۋدە. ولاردىڭ قايعىسىن تۇسىنگەن بيلىك وكىلدەرى وسىدان 1 جىل بۇرىن تەڭىز تۇبىنە باتقان كەمەنى الىپ شىعۋعا شەشىم قابىلدادى. تەڭىزشىلەر 1 اي تىنباي جۇمىس ىستەپ، كەمەنى اۆگۋست پورتىنا جەتكىزدى.
«ءبىز سۇيەكتەردى جيناپ، 458 قاپتى الىپ شىقتىق. بۇعان قوسا قايىقتىڭ اينالاسىنان سۇڭگۋىرلەر 48 ادام دەنەسىن تاپتى. تاعى دا كەمە سۋعا باتقان وسى 1 جىل ىشىندە 169 ءمايىتتى سۋ بەتىنە شىعارعان بولاتىنبىز. وسىلايشا ءبىز 675 ادامنىڭ دەنەسىن تاۋىپ وتىرمىز. مۇمكىن سۋعا كەتكەندەردىڭ سانى بۇدان دا كوپ بولعان شىعار»، - دەيدى يتاليا اسكەري تەڭىز كۇشتەرىنىڭ ادميرالى نيكولا دە فەليچە.
كەمەنىڭ استىڭعى قاباتى ادامعا لىق تولى بولعان. ول جەردەن مارقۇمداردىڭ دەنەسىن الىپ شىعۋ ءۇشىن 350 ءورت ءسوندىرۋشى قايىقتى بىرنەشە بولشەككە ءبولدى. تابىلعان مايىتتەر كىمگە تيەسىلى ەكەنىن انىقتاۋ ءۇشىن دارىگەر ساراپشىلارعا تاپسىرىلدى.