قازاقستاندا 700 مىڭ ادام 42500 تەڭگەنى تاعايىنداۋ جونىندە SMS- حابارلاما الدى
بۇل تۋرالى ق ر ەڭبەك جانە حالىقتى الەۋمەتتىك قورعاۋ مينيسترلىگىنىڭ باسپا ءسوز قىزمەتى حابارلادى.
بۇدان بۇرىن حابارلانعانداي، مەملەكەت باسشىسىنىڭ تاپسىرماسى بويىنشا 2020-جىلعى شىلدەدە كارانتين شارالارىنىڭ ەنگىزىلۋىنە بايلانىستى جۇمىس ىستەيتىن قازاقستاندىقتارعا تابىسى تولىق جوعالعان جاعدايدا ەڭ تومەنگى جالاقى - 42500 تەڭگە مولشەرىندە ءبىر جولعى تولەم (بۇدان ءارى - تولەم) جۇزەگە اسىرىلاتىن بولادى.
وسىدان ءبىر كۇن بۇرىن، ق ر پرەزيدەنتى جانىنداعى ورتالىق كوممۋنيكاتسيالار قىزمەتىندە وتكەن بريفينگتە قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ توتەنشە جاعداي كەزىندە تولەم العان ازاماتتارعا، ولاردىڭ قىزمەتى اعىمداعى جىلدىڭ شىلدە ايىندا شەكتەۋلەرگە ۇشىراۋى ابدەن مۇمكىن ەكەنىن، سوندىقتان تولەمدى پرواكتيۆتى تاعايىنداۋ ءۇشىن كىرىستى جوعالتۋ فاكتىسىن راستايتىن SMS- حابارلاما جىبەرىلەتىنىن ايتتى.
«ءبىز تولەمدەردى پرواكتيۆتى فورماتتا تاعايىنداۋدى قاراستىرامىز. ءبىز قىزمەتى شەكتەلگەن بولسا، سوڭعى رەت تولەم العان ازاماتتاردان SMS ارقىلى تابىسىن جوعالتۋ فاكتىسىن راستاۋدى سۇرايمىز. وڭ جاۋاپ پەن پرواكتيۆتى تۇردە تاعايىنداۋعا كەلىسىم بولعان جاعدايدا، تولەمدەر ءوتىنىشسىز تاعايىندالادى. ولاردىڭ پورتالدارعا ءوتىنىش بەرۋىنىڭ قاجەتى جوق، ولار ءوز مارتەبەسىن ودان ءارى قاداعالاي الادى»، - دەدى مينيستر.
سونداي-اق، ءبىرجان نۇرىمبەتوۆ تولەمدەردى تاعايىنداۋ ءۇشىن وتىنىشتەردى قابىلداۋ اعىمداعى جىلدىڭ 17- شىلدەسىندە باستالاتىنىن حابارلادى. پورتالدار مەن Telegram بوتتار بۇگىن كۇننىڭ ەكىنشى جارتىسىندا ىسكە قوسىلادى.
كەلەسى ارنالاردى پايدالانا وتىرىپ، ءوتىنىش بەرۋگە بولادى:
- egov.kz - «ەلەكتروندىق ۇكىمەتتىڭ» ۆەب- پورتالى؛
- 42500.enbek.kz پورتالى؛
- «ەلەكتروندىق ۇكىمەت» telegram-bot-ى؛
- Aitu مەسسەندجەرىندە42500.enbek.kz قوسىمشاسى؛
- ەكىنشى دەڭگەيدەگى بانكتەردىڭ ءموبيلدى قوسىمشالارى مەن ينتەرنەت- رەسۋرستارى ارقىلى.
وتىنىمدەردى قابىلداۋ 2020-جىلدىڭ 1- قىركۇيەگىنە دەيىن جالعاسادى.