جەڭىسكە 70 جىل: 72- گۆارديالىق اتقىشتار ديۆيزياسىنىڭ جاۋىنگەرلىك تۋى تارازعا جەتتى - فوتو

تاراز. قازاقپارات - تاراز قالاسىندا جەڭىستىڭ 70 جىلدىعىنا ارنالعان «ءبىز - جەڭىستىڭ مۇراگەرىمىز!» اتتى رەسپۋبليكالىق اكسيا جالعاسىن تاپتى. وندا 72- گۆارديالىق اتقىشتار ديۆيزياسىنىڭ ايگىلى جاۋىنگەرلىك تۋىنىڭ كوشىرمەسى ق ر ۇلتتىق ۇلانىنىڭ 5513-اسكەري بولىمىنە سالتاناتتى تۇردە تابىس ەتىلدى.

ەسكە سالا كەتەيىك، «ءبىز - جەڭىستىڭ مۇراگەرىمىز!» اتتى ەستافەتالىق شارانىڭ ۇيىمداستىرۋشىسى - قازاقستان رەسپۋبليكاسىنىڭ ۇلتتىق ۇلانى. ونىڭ باستى اتريبۋتى اتى اڭىزعا اينالعان 72- گۆارديالىق اتقىشتار ديۆيزياسى جاۋىنگەرلىك تۋىنىڭ كوشىرمەسى.

2015-جىلدىڭ 3- اقپان كۇنى ايگىلى جالاۋ استانادا ق ر ۇلتتىق ۇلانى 5573 بريگاداسى الاڭىندا ساپارعا شىققان بولاتىن. ودان كەيىن جاۋىنگەرلىك تۋدىڭ كوشىرمەسى ەل ارالاپ، قازاقستان اسكەرىنىڭ رۋحىن كوتەردى.

تارازدا تۋدى تاپسىرۋ ءراسىمى قازاقستان رەسپۋبليكاسىنىڭ انۇرانىمەن اشىلىپ، ۇلى وتان سوعىسى جىلدارىندا جانە قىزمەتتىك بورىشىن وتەۋ كەزىندە قازا تاپقان ىشكى ىستەر ورگاندارىنىڭ قىزمەتكەرلەرىنە ارنالعان داڭق ەسكەرتكىشى الدىندا تاعزىم ەتۋدەن باستالدى.

راسىمگە 5513-اسكەري ءبولىمى جانە جامبىل وبلىسى ءى ءى د جەكە قۇرامى، ارداگەرلەر، جاستار، «تاراز بارىسى»، «ۇلان»، «سۇڭقار» اسكەري-پاتريوتتىق كلۋبتارىنىڭ كۋرسانتتارى قاتىستى.

92 كۇن ىشىندە اسكەري نىشان قازاقستاننىڭ 25 قالاسىندا بولدى. 5- مامىردا استاناعا ورالىپ، 7- مامىردا وتان قورعاۋشىلار كۇنى ۇ و س 70 جىلدىعىنا ارنالعان اسكەري شەرۋدە جەلبىرەيتىن بولادى.