ا ق ش-تا 70 جىل بۇرىنعى 14 جاسار بالانى ءولىم جازاسىنا كەسۋ سوتتىڭ قاتەلىگى بولىپ شىقتى
09:14, 19 - جەلتوقسان 2014
استانا. قازاقپارات - 70 جىل بۇرىن وڭتۇستىك كارولينا شتاتىندا 14 جاسار افروامەريكاندىق دجردج ستيننيدىڭ ءولىم جازاسىنا كەسىلۋى سوت قاتەلىگى دەپ تانىلدى.
ونى سارسەنبى كۇنى جەرگىلىكتى ايماقتىق سوت رەسمي تۇردە مويىندادى.
«اتالعان وقيعادا ادامنىڭ كونستيتۋتسيالىق قۇقىقتارىنىڭ ورەسكەل بۇزۋشىلىقتارى انىقتالدى»، - دەپ قورىتىندىلادى سوت ۇدەرىسىنە ءتوراعالىق ەتكەن سۋديا كارمەن ماللەن.
8 جانە 11 جاسار اق ءناسىلدى ەكى قىز بالانى ولتىرگەنى ءۇشىن ايىپتالعان دجوردج ستينني 1944-جىلدىڭ كوكتەمىندە سوتتالعان. ول اتا-اناسى نەمەسە باسقا كامەلەتتىك جاسقا جەتكەن تۋىستارىنىڭ قاتىسۋىنسىز قاماۋعا الىنىپ، قورعاۋشىسى بولماي سۇرالدى. ستيننيدىڭ ءىسى بويىنشا سوت قاراۋى ەكى ساعاتقا عانا سوزىلدى. ءولىم جازاسىنا كەسۋ ۇكىمى تولىعىمەن اق ءناسىلدى جەرگىلىكتى تۇرعىنداردان قۇرالعان القا بيلەردىڭ قاتىسۋىمەن نەبارى 10 مينۋتتىڭ ىشىندە شىعارىلدى. ول بىردەن ورىندالدى.