جامبىل وبلىسىندا جازىلىپ شىققان 7 ادامنىڭ 6 اۋى كوروناۆيرۋستى جانازا كەزىندە جۇقتىرعان
دارىگەر اۋرۋدان ايىققان جەتەۋدىڭ ءبىرى - 1992-جىلى تۋعان نۇر-سۇلتان قالاسىنىڭ تۇرعىنى.
ول 19- ناۋرىز كۇنى تاراز قالاسىنا كەلىپ، 5- ساۋىردە كەۋدە تۇسىنىڭ اۋىرۋىنا، مۇرىننىڭ بىتەلۋىنە جانە كوزدىڭ قىزارۋىنا قاتىستى شاعىممەن كارانتيندىك ستاتسيونارعا جاتقىزىلعان.
ودان COVID-19-عا الىنعان تالداۋلار سىرقات ەكەنىن كورسەتكەن.
قالعان التى ەم الۋشىنىڭ بارلىعى 19 بەن 62 جاس ارالىعىنداعى تۇرعىندار. ۇشەۋى - ەر، ۇشەۋى ايەل ادام.
ولار كوروناۆيرۋستىق ينفەكتسيانى قورداي اۋدانىندا جەرلەۋ ءراسىمى كەزىندە جۇقتىرعان. بارلىعى وسى اۋداننىڭ تۇرعىندارى بولىپ تابىلادى. ءبىر ناۋقاس ايەلدەن جۇقتىرىپ، 6- ساۋىردە اۋرۋحاناعا جاتقىزىلعان. دەرتتەن ايىققان جەتى تۇرعىن دا ەكى اپتا بويى ينفەكتسيالىق ستاتسيوناردا بولىپ، ەمدەۋ شارالارىن ويداعىداي وتكىزگەن.
الگوريتمگە سايكەس، ولاردان ك ۆ ي- عا الىنعان ەكى رەتتىك زەرتحانالىق تالداۋلار تەرىس ناتيجە كورسەتكەن. الداعى ەكى اپتا بويى ەندى ولار ءۇي كارانتينىندە دارىگەرلەردىڭ باقىلاۋىندا بولادى.
جالپى ايماقتا كوروناۆيرۋستان 31 ادام ەمدەلىپ شىقتى.