نيگەريادا 7 جاسار قىز 5 ادامدى ءولتىردى
09:50, 23 - اقپان 2015
استانا. قازاقپارات - نيگەريادا 7 جاسار قىز ءوزىن جارىپ جىبەرىپ، 5 ادامدى وزىمەن الا كەتتى، تاعى 19 ادام اۋىر جارالانعان. بۇل تۋرالى فرانسيانىڭ Agence France-Presse اقپارات اگەنتتىگى ءمالىم ەتتى، دەپ حابارلايدى Bnews.kz.
وقيعا نيگەريانىڭ پوتيسكۋم قالاسىنداعى قالالىق بازارلاردىڭ بىرىندە تەكسەرۋ پۋنكتىندە بولعان. بۇل وقيعانى ازىرگە ەشبىر لاڭكەستىك ۇيىم موينىنا العان جوق. دەگەنمەن، نيگەريا ۇكىمەتى بۇعان «بوكو حارام» راديكالدى توبىنىڭ قاتىسى بولۋى مۇمكىن دەگەندى ايتادى.
ايتا كەتۋ كەرەك، 15- اقپان كۇنى 16 جاستاعى جاسوسپىرىم قىز ءوزىن جارىپ جىبەرىپ، 16 ادامنىڭ ءومىرىن جالماعان بولاتىن. قازا تاپقانداردىڭ باسىم بولىگى قايىر سۇراپ وتىرعان جاس بالالار مەن ساۋداگەرلەر.