قازاقستاندا زاڭسىز جۇرگەن 7,3 مىڭ شەتەلدىك انىقتالدى
پوليتسيا شەتەلدىكتەردىڭ تۇراتىن جەرلەرىن، قۇرىلىس نىساندارىن، بازارلاردى، شەتەلدىكتەردى جالدايتىن ۇيىمدار مەن جۇمىس بەرۋشىلەردى تەكسەردى.
«وپەراتسيانىڭ 6 كۇنىندە كوشى- قون زاڭناماسىنىڭ 11 مىڭ بۇزۋشىلىعى انىقتالدى. ونىڭ ىشىندە 7331 شەتەلدىك ەلدە بولۋ مەرزىمىن بۇزعان، شەتەلدىكتەردىڭ ەڭبەك قىزمەتىن زاڭسىز جۇزەگە اسىرۋدىڭ 2400 فاكتىسى تىركەلىپ، 507 جۇمىس بەرۋشى شەتەلدىك جۇمىس كۇشىن زاڭسىز پايدالانعانى ءۇشىن اكىمشىلىك جاۋاپقا تارتىلدى. وزدەرىنە كەلگەن شەتەلدىكتەر تۋرالى پوليتسيانى ۋاقتىلى حاباردار ەتپەگەنى ءۇشىن 2536 جەكە جانە زاڭدى تۇلعا جاۋاپقا تارتىلدى»، - دەدى ق ر ىشكى ىستەر مينيسترلىگى باسپا ءسوز قىزمەتىنىڭ وكىلى شۇعىلا تۇرلىبەك اپتالىق بريفينگتە.
ۆەدومستۆو وكىلى شەتەلدىكتەردى قابىلداۋشى تاراپ وزدەرىنە كەلگەن شەتەلدىك تۋرالى ىشكى ىستەر ورگاندارىنا حابارلاۋعا مىندەتتى ەكەنىن ەسكە سالدى.