دەپ حابارلايدى قازاقپارات ءتىلشىسى.
بيىل «بايتەرەك» حولدينگىنىڭ ەنشىلەس ۇيىمى «تۇرعىن ءۇي قۇرىلىس جيناق بانكى» ا ق بەرگەن باسپانا سانى رەكوردتى كورسەتكىشكە جەتكەن.
بۇگىندە 36790 سالىمشى قونىس تويىن تويلادى. بۇل وتكەن جىلعىمەن سالىستىرعاندا 1/3 كورسەتكىشكە ارتىق. بىلتىر 28673 نەسيە بەرىلگەن بولاتىن.
بانكتىڭ ءار ءتورتىنشى نەسيەسى «نۇرلى جەر» باعدارلاماسى بويىنشا بەرىلگەن.
بيىل 8165 كىلت تاپسىرىلدى. مەملەكەتتىك باعدارلاما بويىنشا جالپى اشىلعالى بەرى 12700 ادام جەڭىلدىكپەن ءۇي الدى.
«7-20-25» باعدارلاماسىنا قاتىسۋ ءۇشىن سالىمشى ءۇي قۇنىنىڭ % 20- ىن جيناۋى كەرەك. «تۇرعىن ءۇي قۇرىلىس جيناق بانكى» جيناقتاۋ جۇيەسى وسىعان ۇيرەتەدى. قازىر ءبىز «باسپانا»، ۇلتتىق بانكپەن كەلىسسوز جۇرگىزىپ جاتىرمىز.
ءبىزدىڭ بانككە زاڭ شەڭبەرىندە قوسىمشا فۋنكسيا بەرىلدى. تۇرعىن ءۇي جيناق سالىمى تۋرالى زاڭناماعا سايكەس بىزگە نەسيە الاتىن ادامداردىڭ قۇقىعىن سەنىمدى باسقارۋعا بەرىلدى. سونىمەن قاتار، بۇل باعىتتا ۇلتتىق بانكتىڭ ليسەنزياسىن الدىق. تەوريالىق تۇرعىدان العاندا ءبىز 7-20-25 باعدارلاماسىنا قاتىسا الامىز. بۇل سىرتتاعى ۇيىمنىڭ پورتفەلىن ساتۋ مۇمكىندىگىنەن بولدى. كەلەر جىلدان باستاپ كەلىسسوزدەردى بەلسەندى جۇرگىزە باستايمىز. بيىل اتالعان باعدارلاماعا تولىق ءمان بەرۋگە جۇمىس جۇكتەمەسى مۇمكىندىك بەرمەدى. قوعامدا شۋ تۋعىزباس ءۇشىن باستالعان «ءوز ءۇيىم»، «ۇلەسكەر قارجىلاندىرۋ»، «اسكەري قىزمەتشىلەر» جوبالارىن قولعا الدىق»، - دەدى بانكتىڭ باسقارما ءتورايىمى ءلاززات يبراگيموۆا.
اتالعان بانكتە ورتاشا نەسيە قۇنى 10 ميلليون تەڭگە.
«ادام 45 ميلليون تەڭگەسىن بىردەن اكەلسە دە وسىنداي سومامەن ءۇي بەرەمىز. بۇل ارالىق زايم دەپ اتالادى. سالىمشى دەپوزيتكە اقشا سالىپ، بىردەن قارىز الادى. بۇل تەز بەرىلەتىن زايم. ونداي سالىمشى دەپوزيت ۇستىنەن دە نەسيە ۇستىنەن دە تولەيدى. سەبەبى، بۇل باسقا سالىمشىلارعا قاراعاندا ادىلەتتى. ويتكەنى، ول ادام كەشە عانا كەلگەن، اقشاسىن 3 جىل بويى جيناعان جوق. وسى جەردە جيناق كاسساسىنىڭ ماڭىزدىلىعى اڭعارىلادى. جەڭىلدىكپەن نەسيە الۋ ءۇشىن بۇل اقشا اينالىمدا ءبىراز ءجۇرۋى كەرەك»، - دەدى ل. يبراگيموۆا.
ونىڭ ايتۋىنشا، بۇگىندە بانكتەگى ەڭ ۇلكەن دەپوزيت - 48 ميلليون تەڭگە استانالىق سالىمشىنىڭ شوتىندا جاتىر.
بانك بيىل 25 ميلليارد تەڭگە كولەمىندە تازا تابىس تاپپاق.
«بۇگىندە بانك اكتيۆتەرى 850 ميلليارد تەڭگەگە جەتتى. 2008 -جىلعى «قولجەتىمدى باسپانا» دەگەن باعدارلاما ارقىلى الىنعان قارىزداردى جاۋىپ، ق ر قارجى مينيسترلىگىنە تابىستادىق. «نۇرلى جەر» باعدارلاماسى اياسىندا جاڭا نەسيە الا باستادىق. ءبىز ۇكىمەت، بايتەرەك حولدينگى قويعان مىندەتتەردى ورىندادىق»، - دەدى بانك ءتورايىمى.
اۆتور: گۇلميرا عوسمانالي