س ق و-دا «7-20-25» بيۋدجەت قىزمەتكەرلەرىنە العاشقى جارنا تومەندەتىلەدى

پەتروپاۆل. قازاقپارات - پەتروپاۆلدا وبلىس اكىمى قۇمار اقساقالوۆتىڭ توراعالىعىمەن ق ر پرەزيدەنتىنىڭ جولداۋىن تالقىلاۋعا ارنالعان اكتيۆ وتىرىسى ءوتتى، دەپ حابارلايدى قازاقپارات.

ەلدىڭ باستى بايلىعى - ادام.

ەلباسىنىڭ جاڭا جولداۋىندا وسى ماسەلەگە ەكپىن بەرىلدى. قۇمار اقساقالوۆتىڭ ايتۋىنشا، وڭىردە سولتۇستىك قازاقستاندىقتاردىڭ ءال-اۋقاتىن ارتتىرىپ، ءومىر ساپاسىن جوعارىلاتۋ ءۇشىن جوسپار ايقىن.

قازاقستان پرەزيدەنتى جاڭا جىلدان باستاپ تومەنگى ەڭبەكاقى مولشەرىن 28 مىڭنان 42 مىڭ تەڭگەگە دەيىن ءوسىرۋدى تاپسىردى. سولتۇستىك قازاقستاندا 43 مىڭ ادامنىڭ ەڭبەكاقىسى وسەدى. جەڭىلدەتىلگەن سالىق 200 مىڭ تۇرعىنعا وڭ ىقپالىن تيگىزەدى. مەديتسينالىق قىزمەتكەرلەردىڭ دە ەڭبەكاقىسى ۇلعايماق. وبلىستا 300 ۋچاسكەلىك دارىگەر مەن 750 مەدبيكەنىڭ جالاقىسى ارتادى.

جالپى، دەنساۋلىق ساقتاۋ سالاسىندا اۋرۋحانالار مەن ەمحانالاردى قارجىلاندىرۋ 3 ەسەگە كوبەيەدى - 800 ميلليوننان 2,8 ميلليارد تەڭگەگە دەيىن. بۇل قاراجاتقا جوعارى تەحنولوگيالىق قوندىرعىلار الىنادى. وبلىس ورتالىعىندا كوپسالالى اۋرۋحانا سالۋ دا كوزدەلگەن.

مەملەكەت باسشىسى «7-20-25» يپوتەكالىق باعدارلاماسىن جۇزەگە اسىرۋعا دا توقتالدى. سقو- دا بيۋدجەتتىك سالا وكىلدەرىنە يپوتەكا ودان سايىن قولايلى بولماق. جەرگىلىكتى بيۋدجەتتەن العاشقى جارنانىڭ بولىگىن سۋبسيديالاۋعا 200 ميلليون تەڭگە بولىنەدى. قازىر وبلىستا 2011 پاتەرگە شاقتالعان 16 تۇرعىن ءۇي سالىنۋدا. 2019 -جىلى 1500 پاتەر بولاتىن 12 ءۇي بوي كوتەرەدى.

ءبىلىم ساپاسىن ارتتىرۋ دا باسىم باعىتتاردىڭ بىرى. پەتروپاۆلدا قازىر 1500 ورىندىق ەكى مەكتەپ سالىنۋدا. كەشەندى جوسپار اياسىندا وبلىس ورتالىعىندا تاعى بىر مەكتەپ تۇرعىزۋ جوسپارلانعان. بۇدان بولەك، 120 ءبىلىم وشاعى جوندەلمەك. مەكتەپتەردە 4 مىڭ كومپيۋتەر جاڭارتىلادى. ەلباسى بارلىق مەكتەپتەر مەن بالاباقشالاردى بەينەباقىلاۋمەن قامتاماسىز ەتۋدى تاپسىردى. بۇگىندە 625 نىساننىڭ 174-دە كامەرالار ورناتىلعان. قۇمار اقساقالوۆ اۋدان اكىمدەرىنە قالعان 451 ءبىلىم وشاعىن بەينەباقىلاۋمەن قامتاماسىز ەتۋ ءۇشىن قارجى ءبولۋدى تاپسىردى.

بيىل 25 مىڭ ادام تۇراتىن 38 اۋىل تازا اۋىزسۋعا قول جەتكىزدى. كەلەسى جىلى قارجىلاندىرۋ كولەمى 9,6 ميلليارد تەڭگەگە دەيىن وسەدى. وڭىردە ورتالىق سۋ جۇيەسىنە تاعى 29 ەلدىمەكەن قوسىلماق.

ەلباسى جولداۋىندا تۋريزمدى دامىتۋعا دا كوڭىل ءبولىندى. يمانتاۋ- شالقار كۋرورت ايماعى تۋريستيفيكاتسيا كارتاسىنىڭ ۇزدىك 10 جوباسىنا ەندى. ايماقتى كەشەندى دامىتۋ ءۇشىن «McKinsey جانە  Company»  حالىقارالىق كونسالتينگىلىك كومپانياسىمەن بىرگە جوسپار دايىندالۋدا. كۋرورتتى دامىتۋعا 8 ميلليارد تەڭگە ءبولۋ جوسپارلانعان.

پەتروپاۆلدا جانە اۋداندا دەنە شىنىقتىرۋ- ساۋىقتىرۋ كەشەندەرى سالىنادى. كوشە سپورت كەشەندەرىن، باسكەتبول، ۆولەيبول الاڭدارىن سالۋ دا جالعاسادى.