جاڭا «7-20-25» باعدارلاماسى: قازاقستاندا قانشا تۇرعىن ءۇي بەرىلەدى

استانا. قازاقپارات - ق ر ينۆەستيتسيالار جانە دامۋ ءمينيسترى جەڭىس قاسىمبەك «7-20-25» باعدارلاماسى بويىنشا قازاقستاندا قانشا تۇرعىن ءۇي بەرىلەتىنىنە قاتىستى سۇراققا جاۋاپ بەردى، دەپ حابارلايدى «قازاقپارات» ح ا ا ءتىلشىسى.

«7-20-25» باعدارلاماسى بويىنشا نەگىزىنەن ۇلتتىق بانك جۇمىس اتقارادى. ءبىراق، ءبىز دە نەگىزىنەن كومەكتەسىپ، بىرلەسە جۇمىس جۇرگىزىپ جاتىرمىز. ول باعدارلاما بويىنشا قانشا پاتەر سالىنادى، قانشا پاتەر يپوتەكاعا بەرىلەدى دەگەن ماسەلە بىلاي شەشىلەدى؟ قازىر ۇلتتىق بانك قاي وڭىردە وسى باعدارلاما بويىنشا سۇرانىس بار؟ دەگەن سۇراقتى تالداپ جاتىر. ياعني، ول وبلىستاردىڭ تۇتىنۋشىلىق قابىلەتىنە بايلانىستى»، - دەدى مينيستر و ك ق- دا وتكەن باسپا ءسوز ءماسليحاتىندا.

ونىڭ ايتۋىنشا، پاتەر قۇنى وڭىرلەردە ءارتۇرلى. مىسالى، ورالدا، قوستانايدا، پەتروپاۆلدا 10 ميلليون تەڭگەگە 2 بولمەلى ءۇي ساتىپ الۋعا مۇمكىندىك بار. الماتىدا 70-80 شارشى مەترلىك باسپاناعا 10 ميلليون تەڭگە جەتپەيدى.

«سوندىقتان، قازىر سول ماسەلە شەشىلىپ جاتىر. ءبىزدىڭ ويىمىزشا، 70 مىڭ پاتەردەن 100 مىڭ پاتەرگە دەيىن وسى باعدارلاما ارقىلى قازاقستاندىقتار يپوتەكا الۋعا مۇمكىندىك الادى دەپ ەسەپتەپ وتىرمىز. بۇل 4,5 جىلدىڭ ىشىندە اتقارىلاتىن جۇمىس»، - دەپ ءتۇيدى مينيستر.

اۆتور: ايان بەكەن ۇلى