بۇل تۋرالى مەملەكەت باسشىسى قاسىم-جومارت توقايەۆ قازاقستاندا تىركەلگەن شەتەلدىك ديپلوماتيالىق ميسسيا باسشىلارىمەن كەزدەسۋىندە ءمالىم ەتتى، دەپ حابارلايدى قازاقپارات اقوردانىڭ باسپا ءسوز قىزمەتىنە سىلتەمە جاساي وتىرىپ.
«ەلىمىزدە سيفرلىق ترانسفورماتسيانى قولداۋ ءۇشىن رەفورمالار جۇرگىزۋگە كىرىستىك. بۇل جۇمىستاردى بۇكىل الەم مويىنداپ وتىر»، - دەپ اتاپ ءوتتى مەملەكەت باسشىسى.
قاسىم-جومارت توقايەۆتىڭ ايتۋىنشا، ب ۇ ۇ- نىڭ رەيتينگىسىندە قازاقستان «ەلەكتروندى ۇكىمەتتى» دامىتۋ بويىنشا الەمنىڭ ۇزدىك وتىزدىعىنا كىرەدى، سونداي-اق ونلاين قىزمەت كورسەتۋ يندەكسى بويىنشا 11-ورىندا.
ەلگە تارتىلاتىن تىكەلەي شەتەلدىك ينۆەستيتسيالارعا توقتالا پرەزيدەنت: «الداعى 7 جىلدا 150 ميلليارد دوللار تىكەلەي شەتەل ينۆەستيتسياسىن تارتۋدى جوسپارلاپ وتىرمىز»، - دەدى.
سونداي-اق، قاسىم-جومارت توقايەۆ قازاقستاننىڭ ۇستانىمى قانداي ەكەنىن ءمالىم ەتتى.
«قازاقستاننىڭ ۇستانىمى وتە قاراپايىم جانە ايقىن - ءبىز نولدىك سوماسى بار ويىندارعا سەنبەيمىز. «ۇلكەن ويىندارعا» ەمەس، ەۋرازيانىڭ جۇرەگىندەگى بارلىق ادامدار ءۇشىن «مول پايداعا» ۇمتىلامىز»، - دەپ اتاپ ءوتتى ق ر پرەزيدەنتى.