ەلوردادا كولىك اپاتىنان 7 جانە 11 جاسار ەكى بالا كوز جۇمدى
13:40, 05 - تامىز 2021
نۇر- سۇلتان. قازاقپارات - ەلوردادا كولىك اپاتىنان كامەلەتكە تولماعان ەكى بالا كوز جۇمدى، دەپ حابارلايدى قازاقپارات نۇر- سۇلتان قالالىق پوليتسيا دەپارتامەنتىنىڭ باسپا ءسوز قىزمەتىنە سىلتەمە جاساپ.
ەلوردادا 4 - تامىز كۇنى ساعات 22:30-دا «Howo» ماركالى اۆتوكولىگىنىڭ 33 جاستاعى جۇرگىزۋشىسى قورعالجىن تاسجولى جاعىنان اينالما جولمەن كەلە جاتىپ، تىلەندييەۆ داڭعىلىنا قاراي جول بويىندا تۇرعان «Steyr» ماركالى جۇك كولىگىن قاعىپ كەتكەن. كەلەسى كەزەكتە «Volkswagen Passat» اۆتوكولىگىنىڭ جۇرگىزۋشىسى ارەكەت ەتۋگە ۇلگەرمەي، «Howo» كولىگىمەن سوقتىعىسادى. جول اپاتى سالدارىنان وقيعا ورنىندا «Howo» اۆتوكولىگىنىڭ 11 جانە 7 جاسار كامەلەتكە تولماعان ەكى جولاۋشىسى كوز جۇمدى. «Howo» جانە «Volkswagen Passat» اۆتوكولىكتەرىنىڭ جۇرگىزۋشىلەرى اۋرۋحاناعا جەتكىزىلدى.
اتالعان فاكتى بويىنشا سوتقا دەيىنگى تەرگەۋ امالدارى جۇرگىزىلىپ جاتىر.
اۆتور: اياۋلىم التىنبەك