قازاقستانعا 7-10- ماۋسىم كۇندەرى مەملەكەتتىك ساپارمەن شي جينپيڭ كەلەدى
09:05, 02 - ماۋسىم 2017
استانا. قازاقپارات - ق ح ر ءتوراعاسى شي جينپيڭ 7-10- ماۋسىم ارالىعىندا قازاقستانعا كەلىپ، شاڭحاي ىنتىماقتاستىق ۇيىمىنىڭ (ش ى ۇ) سامميتى جانە «استانا ەكسپو-2017» حالىقارالىق كورمەسىنىڭ اشىلۋ سالتاناتىنا قاتىسادى.
بۇل جايلى ق ح ر س ءى م رەسمي وكىلى لۋ كاننىڭ حابارلاماسىندا ايتىلعان، دەپ حابارلايدى رەسەيلىك ت ا س س اگەنتتىگى.
قۇجاتتا «ق ح ر ءتوراعاسى شي جينپيڭ 7-10- ماۋسىم ارالىعىندا مەملەكەتتىك ساپارمەن قازاقستانعا كەلەدى. ول ش ى ۇ مەملەكەت باسشىلارىنىڭ 17- كەڭەسىنە جانە استاناداعى حالىقارالىق مامانداندىرىلعان ەكسپو كورمەسىنە قاتىسادى»، دەلىنگەن.
8-9- ماۋسىم كۇندەرى استانادا ش ى ۇ- ىنىڭ سامميتى وتەدى. سامميت قاتىسۋشىلارى ءۇندىستان جانە پاكىستان مەملەكەتتەرى ۇيىمنىڭ تولىق قۇقىقتى مۇشەلىگىنە ۇسىنۋ جونىندە شەشىم قابىلدايدى دەپ جوسپارلانىپ وتىر.