فرانسيا 6 اتوم ستانسياسىن سالۋدى كوزدەپ وتىر
جاقىن ارادا پارلامەنت سالانى دامىتۋدىڭ ماقساتتارى مەن اۋقىمىن ايقىندايتىن زاڭ قابىلداماق. بەيبىت اتوم سالاسىنداعى الەمدىك كوشباسشى باسقا ەلدەرگە دە بەلسەندى كومەك كورسەتەدى. فرانسيادا تۇتىناتىن ەلەكتر ەنەرگيانىڭ % 70 اتوم ەلەكتر ستانسيالارىندا وندىرىلەدى. ەل بيلىگى بۇل كورسەتكىشتى ارتتىرۋ ءۇشىن ەنەرگەتيكا سالاسىنا وزگەرىس جاساماق.
سالا مامانى ەرۆە ماياردىڭ ايتۋىنشا فرانسيا 2050 -جىلعا دەيىن قوسىمشا 6 اتوم ستانسياسىنىڭ قۇرىلىسىن باستاۋدى كوزدەپ وتىر. ون مىڭداعان جاڭا جۇمىس ورنى اشىلىپ، مامان دايارلاۋعا باسىمدىق بەرىلەدى.
ەرۆە مايار، فرانسيا ا ە س ستراتەگيالىق كوميتەتىنىڭ ۇيلەستىرۋشىسى:
- اتوم ەنەرگەتيكاسىنىڭ ءبىر ارتىقشىلىعى بار، ول - تۇراقتى قۇنى. مەنىڭ ويىمشا، بۇل قازاقستان ءۇشىن دە وزەكتى. اتوم ەلەكتر ستانسياسى ۇزاق ۋاقىت سالىنادى. ءبىراق، ودان كەيىن 60 جىل بويى ەنەرگيا وندىرىلەدى. ال ا ق ش 80 جىلعا دەيىن ەنەرگيا وندىرەدى. ءبىراق پايدالانۋ كەزىندە تاريف وتە تۇراقتى بولادى. سونىمەن قاتار كوبىنەسە قۇرىلىس قۇنىمەن پارا- پار. قازاقستاننىڭ ءوز ۋرانى بولعاندىقتان، بۇل قازاقستاندا اتوم ەلەكتر ستانسياسىن سالۋدى ودان دا ءتيىمدى ەتەرى ءسوزسىز.
عالىمداردىڭ ايتۋىنشا، اتوم عاسىر سوڭىنا دەيىن پلانەتاداعى ەنەرگيانىڭ نەگىزگى كوزىنە اينالۋى مۇمكىن. ءدال قازىر وڭتۇستىك كورەيا، جاپونيا، كانادا جانە نيدەرلاندى سياقتى ەلدەر رەاكتورلار سالۋ باعدارلامالارىن قايتا ىسكە قوسىپ جاتىر. ال پولشا، ەگيپەت، ءۇندىستان، تايلاند العاشقى اتوم ستانسياسىن سالۋدى قولعا العان.
ەرۆە مايار، فرانسيا ا ە س ستراتەگيالىق كوميتەتىنىڭ ۇيلەستىرۋشىسى:
- اتوم ەنەرگەتيكاسىنىڭ تاعى ءبىر ارتىقشىلىعى بار، ول - رەاكتورلاردىڭ گامماسى جانە جەلىلەردى الىس قاشىقتىققا تاسمالداماۋ ءۇشىن ىڭعايلى جەرگە ورناتۋعا بولاتىنى. قازاقستان، كانادا، يۋار سياقتى جەر كولەمى ۇلكەن مەملەكەتتەرگە وتە قولايلى دەر ەدىم.
الەمدەگى ءار ءتۇرلى وندىرۋشىلەردىڭ اتوم رەاكتورىنداعى قاۋىپسىزدىك دەڭگەيى شامامەن بىردەي. الايدا، فرانسيا باقىلاۋ جۇيەسىمەن جانە مامان دايارلاۋ ەرەكشەلىگىمەن وزىق تۇر. وسى رەتتە، قازاقستان مەن فرانسۋز تاراپى الداعى جىلدارى سۇرانىسقا يە بولاتىن مامانداردى بىرلەسىپ دايارلاۋ ءۇشىن بايلانىس ورناتۋدى كوزدەپ وتىر.
www.24.kz