قوستانايدا تۇرعىننان 6 ميلليون تەڭگە بوپسالاعان كۇدىكتىلەر قولعا ءتۇستى
بوپسالاۋشىلار 21 جاستاعى جەرگىلىكتى تۇرعىنعا قاتىستى ەلەۋسىز سىلتاۋدى پايدالانا وتىرىپ، ودان 6 ميلليون تەڭگە كولەمىندە اقشا قاراجاتىن تالاپ ەتكەن.
«كۇدىكتىلەر جابىرلەنۋشىنى جالدامالى پاتەردە ۇستادى، سونداي-اق ونى قالا سىرتىنا شىعارىپ، ۇرىپ-سوعىپ، دەنساۋلىعىنا قاۋىپ ءتوندىردى»، - دەدى قوستاناي وبلىسى پ د ۇ ق ق ك ب باستىعى سەرىك بايعونوۆ.
زاڭسىز ارەكەتتەر بارىسىندا بوپسالاۋشىلار 1 ميلليون تەڭگە سوماسىندا اقشالاي قاراجاتتى يەمدەنىپ العان. دەگەنمەن جابىرلەنۋشىگە قاتىستى جەڭىل پايدا تابۋ ارەكەتتەرى مۇنىمەن اياقتالعان جوق جانە ولار ودان اقشا تالاپ ەتۋدى جالعاستىردى. جابىرلەنۋشى پوليتسياعا ارىز بەردى.
جەدەل-ىزدەستىرۋ ءىس-شارالارى بارىسىندا كۇدىكتىلەر انىقتالىپ، ۇستالدى. اتالعان فاكتى بويىنشا ق ر ق ك- ءنىڭ 194-بابى، 3-بولىگى جانە 126-بابى، 2-بولىگى بويىنشا سوتقا دەيىنگى تەرگەۋ جۇرگىزىلىپ جاتىر. قازىرگى ۋاقىتتا توپتىڭ ەكى مۇشەسى قاماۋعا الىندى، ءۇشىنشىسى ءۇي قاماۋىندا.