ديماشقا ءان جازۋ وتە قيىن - تانىمال انشىگە 6 تۋىندى جازعان كومپوزيتور
«ءان جالپىعا بىردەي جازىلادى. ديماشقا دايىن، ءبىراق ءسوزى جازىلماعان كومپوزيتسيالارىمدى بەردىم. جالپى، مەن ءۇشىن ديماشقا ءان جازۋ وتە قيىن. سەبەبى ونىڭ تالعامى بولەك، مۇلدە باسقاشا. ادام ءوزىنىڭ تابيعاتىنا كەلەتىن ءاندى ايتادى. ديماشقا ءبىزدىڭ تۋىندىلارىمىز كوپ كەلە بەرمەيدى»، - دەدى ۇلىقپان جولداسوۆ.
سونىمەن قاتار، كومپوزيتور بۇگىندە ديماش قۇدايبەرگەن ونىڭ 6 ءانىن ورىنداپ جۇرگەنىن ايتتى.
ولاردىڭ قاتارىندا قىتاي ەلىندە حيت- پارادتا ءبىرىنشى ورىندا بولعان تۋىندى بار.
بۇعان قوسا، ۇلىقپان جولداسوۆ 1980- جىلدارى ورىس ءتىلىن بىلمەگەنى ءۇشىن شىمكەت مۋزىكالىق ۋچيليشەسىنەن شىعىپ كەتكەنىن ەسكە الدى.
جالپى، «تورلەتىڭىز» باعدارلاماسى وتاندىق بەلگىلى كومپوزيتورلاردىڭ شىعارماشىلىعىنا، حيت اندەردىڭ تاريحىنا ارنالدى.
ونەر يەلەرى قازاق مۋزىكاسىن الەمدىك دەڭگەيگە كوتەرۋ توڭىرەگىندەگى ويلارىن ورتاعا سالىپ، پىكىر ءبىلدىردى.
اۆتور:
ءاليحان اسقار