الماتى وبلىسىندا قولايسىز اۋا رايىنا بايلانىستى 6 جول جابىلدى

قونايەۆ. قازاقپارات - اۋا رايىنىڭ قولايسىزدىعىنا بايلانىستى الماتى وبلىسىندا بارلىق كولىكتەر ءۇشىن قوزعالىس شەكتەلدى، دەپ حابارلايدى قازاقپارات ءتىلشىسى.

«قازاۆتوجول» ۇ ك» ا ق الماتى وبلىستىق فيليالى مەن «قازاقاۆتوجول» ج ش س الماتى وبلىستىق فيليالىنىڭ حابارلاۋىنشا، 3-اقپان كۇنى تاڭەرتەڭ الماتىدان التى باعىت بويىنشا كولىك قوزعالىسىنا تىيىم سالىنعان.

جاۋىن-شاشىن مەن تەمپەراتۋرانىڭ نولدەن تومەن ءتۇسۋى ءتۇرلى باعىتتا جول جابىلۋىنا سەبەپ بولدى.

جابىق جولدار:

الماتى- قونايەۆ (25-67 ك م، ىلە اۋدانى)

الماتى- شەلەك- قورعاس (25-320 ك م، ەڭبەكشىقازاق اۋدانى)

رەسەي فەدەراتسياسىنىڭ شەكاراسى ەكاتەرينبۋرگ-الماتى (2436-2214 ك م، جامبىل اۋدانى)

الماتى- وسكەمەن (78-124 ك م، قونايەۆ- جولامان)

الماتى- وسكەمەن (16-25 ك م، الماتى-پۆپ تەرمينالى)

الماتى- كوكپەك- كوكتال- قورعاس (126-172 ك م).