بۇل جەردە ماسەلە ساتتىلىكتە نە مىنەز-قۇلىقتا ەمەس، ونىڭ وزىنە سەنىمدىلىگىندە، - دەپ حابارلايدى doctorpiter. ru.
«ءبىر جاقسى مىسال كەلتىرەيىن: زال لىق تولى لەكسيالارىمنىڭ بىرىندە ءبىر قىز ماعان ەكى رەت سۇراعىن قويدى، ال كوپشىلىگى ءبىر سۇراق تا قويا المادى. ول ءوزىنىڭ دۇرىس ەكەنىنە سەنىمدى بولعانى سونشالىق، ۇيىمداستىرۋشىلار ميكروفوندى بارىنەن اينالىپ ءوتىپ، ەكى رەت سول قىزعا بەردى»، - دەدى ميحايل لابكوۆسكي Telegram-ارناسىندا.
ماماننىڭ ايتۋىنشا، قورقىنىشىڭىز جانە ۋايىمدارىڭىزبەن جۇمىس ىستەۋدى ۇيرەنسەڭىز، مۇنداي سەنىمدىلىككە يە بولا الاسىز. ءبىراق بۇل جاقسى بولۋعا تىرىسۋىڭىز كەرەك دەگەن ماعىنا ەمەس.
«ءوزىن-ءوزى دۇرىس باعالاي الاتىندار وزدەرىن باقىلاي الادى. ولار دوستارىنا، اتا-انالارىنا، سەرىكتەستەرىنە پىكىر قالىپتاستىرۋ نەمەسە ولاردىڭ ارەكەتتەرىن باعالاۋ ءۇشىن قارامايدى. وزىنە سەنىمدى ادامدار باسقالارعا تاۋەلدى ەمەس جانە ءوزىن قالاي بار، سولاي قابىلدايدى، ەڭ باستىسى، ولار وزدەرىن جاقسى كورەدى»، - دەدى ميحايل لابكوۆسكي.
پسيحولوگ شىنايى وزىنە دەگەن سەنىمدىلىك پەن ءوزىن-ءوزى دۇرىس باعالاۋ كەزىندە ءجيى ايتىلاتىن ءسوز تىركەستەرىن اتادى.
«مەن ەڭ كۇشتىمىن» دەپ ەمەس، «مەن ءوزىمدى بار بولمىسىممەن قابىلدايمىن جانە جاقسى كورەمىن»؛
«مەن مىندەتتى تۇردە جەتىستىككە جەتەمىن جانە مەن ءبارىن ىستەي الامىن» دەپ ەمەس، «مەن قايتا تىرىسىپ كورۋدەن قورىقپايمىن، ويتكەنى مەن وزىمە سەنەمىن»؛
«مەن ءمىنسىزبىن» دەپ ەمەس، «مەنىڭ ارتىقشىلىعىم مەن كەمشىلىگىم بار، مەن باسقالارعا قارامايمىن جانە ءوزىمدى باسقالارمەن سالىستىرمايمىن»؛
«مەن كەرەمەت سۇلۋمىن» دەپ ەمەس، «مەن سىرت كەلبەتىمدى ۇناتامىن»؛
«مەن ءارقاشان دۇرىس ىستەۋىم كەرەك» دەپ ەمەس، «مەن قاتەلىكتەر جىبەرە الامىن جانە قاتەلەرىمدى قابىلداي الامىن، ولاردى تۇزەتە الامىن»؛
«ەگەر ساشا، ۆانيا، تانيا وعان لايىق بولسا، وندا مەنىڭ دە جەتىستىككە جەتۋگە بارلىق مۇمكىندىگىم بار».