«بيىلعى تامىز ايىندا الماتى قالاسىندا پوليتسيا قىزمەتكەرلەرى زاڭسىز بالا اسىراپ الۋ ماقساتىندا جاڭا تۋعان بالالاردى ساتۋ فاكتىلەرىن انىقتاعان ەدى. وتكىزىلگەن شارا بارىسىندا ءبىر توپ ادام، ونىڭ ىشىندە اۋداندىق ا ح ا ت قىزمەتكەرىنىڭ الدىن الا ۋاعدالاسۋ بويىنشا جاڭا تۋعان بالاسىنان باس تارتقىسى كەلەتىن جۇكتى ايەلدەر مەن بالاسىز وتباسىلاردى ىزدەۋمەن، بالالاردىڭ تۋۋ تۋرالى جالعان كۋالىكتەرىن دايىنداۋمەن اينالىسقانى انىقتالدى»، - دەدى دەپارتامەنت باسشىسى ق ر ءى ءى م ۇيىمداستىرعان اپتالىق بريفينگتە.
سپيكەردىڭ ايتۋىنشا، اراداعى مامىلە سوماسى 1-2 ميلليون تەڭگە ارالىعىندا بولعان، قۇجاتتاردى قولدان جاساۋ مەن انىقتاما بەرۋ 700 مىڭ تەڭگەگە باعالانعان.
«قازىرگى ۋاقىتتا بۇل ادامداردىڭ 6 ءسابيدى ساۋدالاعانى انىقتالدى. مۇنداي «ساتۋشىلار» مەن «ساتىپ الۋشىلار» قازاقستاننىڭ ءتۇرلى قالالارىندا تۇرعان. اتالعان فاكتى بويىنشا كامەلەتكە تولماعاندار ساۋداسى بابىندا سوتقا دەيىنگى تەرگەۋ باستالدى. بەس كۇدىكتى ۇستالىپ، بارلىعى قاماۋعا الىندى»، - دەدى ق. نۇرماعامبەتوۆ.