قارجىگەر، زاڭگەر، مۇعالىم ىسپەتتى مامان يەلەرى كوپ ەكەنى بەلگىلى. ال قۇلاپ قالعان پينگۆيندەردى اۋدارۋ جانە جالدامالى تۋىسقان تۋرالى ەستىپ پە ەدىڭىز؟
Turkystan.kz سايتى ءسىزدىڭ نازارىڭىزعا الەمدەگى ەڭ ەرەكشە جۇمىستاردى ۇسىنادى.
تريميداتور
ءبىر قىزىعى، بۇل ماماندىق اتا-اجەلەرىمىزدىڭ جاستىق شاعىندا دا بولعان. تەك ول كەزەڭدە بۇل ماماندىق بەيرەسمي جانە جاي عانا «كەزەكتە تۇرعان ادام» دەپ اتالعان. كەڭەس داۋىرىندە كەي ونىمدەردىڭ تاپشى بولعانى بارىمىزگە ءمالىم. ادامدار دەفيتسيت ونىمدەردى الۋ ءۇشىن دۇكەننىڭ الدىندا ۇزىن-سونار كەزەككە جينالعان. ساعاتتاپ تۇرۋدان شارشاعاندارعا اقىلى تۇردە «كومەكتەسەتىن» ادامدار بولعان.
ايتا كەتسەك، انگليادا تريميداتور ماماندىعى ءالى دە سۇرانىسقا يە. مۇنداي ماماندىق يەلەرى ءوز كليەنتىنىڭ ورنىنا كەزەكتە تۇرادى، جالاقىسى دا جوعارى - ساعاتىنا شامامەن 40 دوللار.
جولاۋشىلاردى تىعىنداپ تۇرۋ
باسقاشا بۇل ماماندىق «وسيا» دەپ اتالادى. بۇل سالاداعى مامانداردى تەك ەكى قالادا - مادريد پەن توكيودا كەزدەستىرە الاسىز. ولاردىڭ مىندەتى - جولاۋشىلار اعىمى كوپ كەزدە پويىزعا نەمەسە مەتروعا سىيماي جاتقان ادامداردى يتەرىپ تۇرۋ.
بۇل جۇمىستى ادەتتە ستۋدەنتتەر اتقارادى.
ىرىمشىك تىڭداۋشى
بۇل ماماندىق يەلەرىن ىرىمشىكتىڭ بەلگىلى ءبىر ءتۇرى - پارمەزان ءۇشىن جالدايدى. سەبەبى پارمەزان وتە ۇزاق پىسەدى جانە ونىڭ دايىندىعىن تەك دىبىسپەن انىقتاۋعا بولادى. ىرىمشىك تىڭداۋشىسى پارمەزاندى كۇمىس بالعامەن ۇرۋ ارقىلى پىسكەنىن انىقتايدى. ەگەر دىبىس قاتتى جانە ايقىن بولسا، وندا ىرىمشىك دايىن، ونى دۇكەن سورەلەرىنە قويۋعا بولادى.
اۋرۋحانا كلوۋنى
اۋىر دەرتتەن ەمدەلەتىن ادامداردىڭ باسىم بولىگىندە اپاتيا بولادى. ال اۋرۋحانادا جاتقان بالالاردىڭ ءتورت قابىرعادا ءىشى پىسادى.
بۇل جاعدايدا كومەككە كلوۋن كەلەدى. ول پالاتالاردى ارالاپ، پاتسيەنتتەردىڭ كوڭىلدەرىن كوتەرىپ، فوكۋس كورسەتىپ، انەكدوتتار ايتادى.
قۇلاپ قالعان پينگۆيندەرى تۇرعىزۋ
بۇل ماماندار اۋەدە ۇشىپ بارا جاتقان ۇشاقتاردى تاماشالايمىز دەپ ارقاسىنان اۋدارىلىپ قالعان پينگۆيندەردى كوتەرەدى. ءبىر قىزىعى، پينگۆيندەرگە ادامدار كومەكتەسپەسە، ولار ءوز كۇشتەرىمەن اياقتارىنا تۇرا المايدى ەكەن. ەگەر بۇل ماماندىق يەلەرى بولماعاندا پينگۆيندەر اشتان ولەر مە ەدى؟
جالدامالى تۋىسقان
جاقىندارىڭىز الىستا، ال الداعى دەمالىستا توي نەمەسە تۋعان كۇن بولا ما؟ وندا سىزگە كومەككە اقىلى تۇردە مەرەكەگە قاتىسىپ، قۋانىشىڭىزعا ورتاقتاساتىن ادامدار بار.
مۇنداي قىزمەت قىتايدا جاقىندا رەسمي تۇردە پايدا بولدى. ءبىراق ءىس جۇزىندە الەمدە بۇرىننان بەرى تارالعان.