بۇل تۋرالى ول Telegram-ارناسىندا جازدى.
1. ارتىق زاتتان ارىلىڭىز
سورەلەردى بارلىق ۇساق-تۇيەكتەن تازارتىڭىز. بۇرىن ءوزىڭىز سۋ جاعاسىنان اكەلگەن نەمەسە بىرەۋ سىيلاعان باقالشاقتار مەن تاستار، ەسكى شامدار، كادەسىيلار جانە باسقا دا زاتتار كورىنەتىن جەردە ەمەس، شكافتىڭ ىشىندە قوراپتا تۇرعانى ءجون. بىرىنشىدەن، ولاردىڭ بارلىعى شاڭ جينايدى. ەكىنشىدەن، ۇزاق ۋاقىت بويى كوز الدىندا تۇرعاندىقتان ولار سىزگە ەش ەموتسيا سىيلامايدى. ينتەرەردە ارتىق زات بولماعان ونى جيناقى ءارى ادەمى ەتىپ كورسەتەدى.
2. جيھازدىڭ ورنىن اۋىستىرىڭىز
بولمەنى جاڭارتۋعا جيھازدىڭ ورنىن اۋىستىرۋ كومەكتەسەدى. ءتىپتى، تەك كرەسلونى ءبىر بۇرىشتان باسقا بۇرىشقا اۋىستىرساڭىز، ول بولمەگە باسقاشا كۇي سىيلايدى. مۇنداي وزگەرىستى از-ازدان باستاساڭىز بولادى: تەرەزەنىڭ الدىنداعى گۇلدى ۇستەلدىڭ ۇستىنە قويىڭىز، كۇشىڭىز جەتەتىن شاعىن شكافتاردى (تۋمبوچكا) باسقا جەرگە ىسىرىڭىز.
3. جيەكتەمە سالىنعان سۋرەتتەردى قولدانىڭىز
بولمەنى قابىرعاعا ىلىنگەن جاڭا كارتينالار مەن سۋرەتتەر جاڭارتا الادى. سۇيىكتى سۋرەتتەرىڭىزدى شىعارتىپ، قابىرعاعا ءىلىڭىز. سۋرەتتى قانداي دا ءبىر يدەيامەن شىعارتۋعا بولادى. مىسالى، كينوتەاترداعى سوڭعى شىققان فيلمدەردىڭ پوستەرلەر ستيلىندە باستىرىپ شىعارتىڭىز. سۋرەتتەردى شاعىن جانە ادەمى جيەكتەمەلەرگە سالىڭىز.
4. زاتتاردى جاڭارتىڭىز
كىلەم، گۇل، ىدىس، پەردە جانە ت. ب. زاتتاردى اۋىستىرۋ ۇيگە باسقا اتموسفەرا سىيلايدى. ولارعا كوپ اقشا كەتپەيدى. مىسالى، اس ۇيگە جاڭا داستارحان العاندا اس ءۇيدىڭ اتموسفەراسىنىڭ وزگەرەتىنىن جانە كوڭىل كۇيىڭىزگە جاعىمدى اسەر ەتەتىنىن بايقاعان بولارسىز.
5. اسپالى شامدى نەمەسە ونىڭ قالپاعىن (پلافون) وزگەرتىڭىز
جارىق شامدارى ءۇيدىڭ ىشىندە ماڭىزدى ءرول اتقارادى. ەگەر مۇمكىندىك بولسا، اسپالى شامدى اۋىستىرۋعا نەمەسە ونىڭ قالپاعىنىڭ باسقا ءتۇسىن الۋعا بولادى. سونىمەن قاتار، ەگەر كەشكە ءۇيدىڭ ءىشى قاراڭعىلاۋ سەكىلدى كورىنسە، جارىقتىڭ باسقا جاڭا كوزدەرىن الۋعا تىرىسىڭىز.
6. كىتاپتاردى ءتۇسى (ولشەمى) بويىنشا قويىپ شىعىڭىز
ەگەر ۇيدە كىتاپتار تۇراتىن شكاف بولسا، ولاردى تۇستەرى، ولشەمى بويىنشا قويىپ شىعىڭىز. كىتاپتاردى قايتا رەتتەۋ كەزىندە ولاردى سۇرىپتايسىز. ياعني، كەي كىتاپتاردى بىرەۋگە بەرۋىڭىز مۇمكىن نەمەسە كىتاپتارمەن ارالاسىپ جاتقان كەرەك ەمەس قاعازداردى تاستايسىز. سونىمەن قاتار، ۇقىپتى قويىلعان كىتاپتار بولمەگە جىلپى جيناقىلىق سىيلاپ تۇرادى.