رەيدتىڭ ماقساتى - قالاداعى سۋ ايدىندارىندا جازاتايىم وقيعالاردى بولدىرماۋ، جالپى سۋ پايدالانۋ قاعيدالارى مەن قوعامدىق ءتارتىپتى بۇزۋ فاكتىلەرىنىڭ الدىن الۋ.
«الماتىدا شومىلۋ ماۋسىمى باستالعاننان بەرى «اكىمشىلىك قۇقىق بۇزۋشىلىق تۋرالى» كودەكستىڭ 364-بابى - جالپى سۋ پايدالانۋ ەرەجەلەرىن بۇزعانى ءۇشىن 5 ادام، 440-باپ - الكوگولدى ىشىمدىكتەر نەمەسە قوعامدىق ورىندارعا ماس كۇيىندە كەلۋ بويىنشا 1 ادام اكىمشىلىك جاۋاپكەرشىلىككە تارتىلدى»، - دەلىنەدى ت ج د حابارلاماسىندا.
سونداي-اق، ت ج د رەيدتىك ءىس- شارالارعا قۇلاقتاندىرۋ اۆتوموبيلى، DJI Matrice 300 داۋىس زورايتقىش قۇرىلعىسى بار پيلوتسىز پلاتفورما (درون) تارتىلاتىنىن حابارلادى.
وسىعان بايلانىستى قۇتقارۋشىلار تۇرعىندارعا ورتاق سۋ پايدالانۋ ەرەجەلەرىن بۇزباۋعا جانە قالانىڭ رۇقسات ەتىلگەن جاعاجايلارىندا عانا شومىلۋعا كەڭەس بەردى.
ەسكە سالايىق، الماتىدا «سايران» كولىنىڭ ءتۇبى تازارتۋ جۇمىستارى باستالعانىن حابارلاعان بولاتىنبىز.
اۆتور: دۋمان ارعىنگەلدى