باس اۋرۋدى ەمدەۋدىڭ 6 ءادىسى
سۋ ءىشۋ - باس اۋىرۋ - اعزانىڭ بىزگە بەرگەن ءبىر بەلگىسى. باس ساقيناسىنىڭ مۇمكىن سەبەپتەرىنىڭ ءبىرى - اعزانىڭ سۋسىزدانۋى. الايدا بۇل قۇبىلىس ءار كەزدە شولدەۋمەن بىرگە جۇرمەيدى. ءتىپتى، مۇلدەم سۋ ىشكىڭىز كەلمەۋى مۇمكىن. ءبىراق باسىڭىز اۋىرعان بويدا ءبىر ستاقان سۋ ءىشىپ الىڭىز، سودان سوڭ كۇنى بويى از- ازدان سۋ ءىشىپ ءجۇرىڭىز. اعزا ىلعالدىڭ قاجەتتى مولشەرىن العان سوڭ باستىڭ اۋىرۋى ءالسىز بولا تۇسەدى. ءبىراق قاراپايىم سۋدان باسقا سۋسىندار كومەكتەسپەيدى. مىندەتتى تۇردە قانتسىز، قوسپاسىز جانە گازسىز تازا سۋ ءىشۋ كەرەك.
قاراڭعىدا دەمالۋ كەيدە باس ساقيناسىنىڭ پايدا بولۋىنا قاراپايىم جارىق (تابيعي نەمەسە ەلەكترلىك) سەبەپشى بولادى. ەگەر كۇنى بويى كومپيۋتەردىڭ الدىندا جۇمىس ىستەگەن بولساڭىز، ەكراننىڭ جارىعى تەك كوزىڭىزگە اسەر ەتىپ قانا قويماي، سونىمەن قاتار باس اۋرۋىنىڭ پايدا بولۋىنا ىقپال ەتەدى. سوندىقتان باسىڭىز اۋىرايىن دەپ تۇرعانىن سەزسەڭىز نەمەسە باسىڭىز اۋىرىپ تۇرسا، كومپيۋتەردى ءسوندىرىپ تاستاڭىز جانە مۇمكىندىك بولسا، تەحنيكانىڭ بارلىعى توقتان سۋىرىلىپ تۇرعان قاراڭعى بولمەگە بارىپ، ازداپ دەمالىڭىز.
جارىقتان باسىڭىز ءجيى اۋىراتىن بولسا، كۇننەن قورعايتىن كوزىلدىرىكتى تەك جازدا ەمەس، قىستا دا كيىپ ءجۇرىڭىز.
ۆاننا قابىلداۋ مۇمكىندىك بولسا، باسىڭىز اۋىرعان بويدا جىلى ۆاننا قابىلداڭىز. سۋعا تۇيمەداق نەمەسە باسقا دا ەمدىك شوپتەردى سالىڭىز. ەفير مايلارى تۋرالى دا ۇمىتپاڭىز. جاعىمدى يىستەر باس اۋىرۋىن كەتىرە الادى. سۋدان شىققان سوڭ بىرنەشە تامشى ەفير مايىن جەلكە تۇسىنا جاعىپ، ازداپ ماسساج جاساڭىز.
سۋىق كومپرەسس باسۋ سۇلگىنى سۋىق سۋعا سۋلاپ، باسىڭىزعا قويىڭىز. سۋىق قان جۇرەتىن تامىرلاردى تارىلتادى، سوندىقتان باس اۋىرعاندىعىن باسادى. بۇل پروتسەدۋرانى 10 مينۋت شاماسىندا جاساۋعا بولادى.
ءۇي جانۋارلارىن قۇشاقتاۋ ءۇي جانۋارلارى شىنىمەن دە ءارتۇرلى اۋرۋلاردى جەڭىلدەتە الادى. مىسالى، مىسىقتى قۇشاقتاۋ قىسىمنىڭ تۇسۋىنە سەبەپشى بولادى. ءتىپتى، مىسىقتىڭ پىرىلداعانىنا دەيىن باس اۋىرعاندىعىن كەتىرۋگە كومەكتەسەدى ەكەن.
كوفەنى ازايتۋ كوفە ادامعا ەسىرتكى سەكىلدى اسەر ەتەدى. سەبەبى كوفەگە جىلدام ۇيرەنىپ كەتەسىز. سوندىقتان اعزاعا كوفەيننىڭ قانداي دا ءبىر مولشەرى جەتپەي تۇرسا، ول باس اۋرۋىن شاقىرتادى. الايدا كوفەدەن بىردەن باس تارتپاي، ونىڭ مولشەرىن بىرتىندەپ ازايتىڭىز.