الماتى قالالىق پ د ەكسترەميزمگە قارسى كۇرەس باسقارماسىنىڭ مالىمەتىنشە، 20 مەن 24 جاس ارالىعىنداعى التى ەر ادام ۇستالدى.
«5-قاڭتارعا قاراعان ءتۇنى «شاڭىراق» ىقشاماۋدانىنداعى ۇيلەردىڭ بىرىندە بولگاركانىڭ كومەگىمەن تەمىر ارماتۋرانىڭ بولىكتەرىن (70 س م) دايىنداپ، كەلەسى كۇنى جاپپاي تارتىپسىزدىكتىڭ قاتىسۋشىلارىنا تاراتقاندىعى انىقتالدى. كۋاگەرلەر بۇل ءىس- ارەكەتتى ۇيالى تەلەفوننىڭ كامەراسىنا ءتۇسىرىپ العان. بەينەجازبادان ادامداردىڭ گازەل جۇك ماشيناسىنان ارماتۋرانى ءتۇسىرىپ جاتقانىن كورۋگە بولادى. ءىس-ارەكەت تولە بي داڭعىلىنىڭ بويىندا شىعىس باعىتتا ورىن الدى»، - دەدى الماتى قالالىق پوليتسيا دەپارتامەنتى باستىعىنىڭ ورىنباسارى بەرىك ابىلبەكوۆ.
ۇستالعاندارعا ق ر ق ك-نىڭ 272-بابى 2-بولىگى بويىنشا جاپپاي تارتىپسىزدىككە قاتىستى دەگەن ايىپ تاعىلىپ وتىر. ولار قاماۋعا الىندى.
«كۇدىكتىلەر ءتارتىپ ساقشىلاردىڭ دەنساۋلىعىنا زاقىم كەلتىرۋ ماقساتىندا تارتىپسىزدىككە قاتىسۋشىلارعا تاراتۋ ءۇشىن ءتۇنى بويى قاساقانا تەمىر ارماتۋرالار دايىنداعانىن مويىندادى»، - دەيدى پوليتسيا وكىلى.
اۆتور: الما مۇقانوۆا