تىزە اۋىرسا نە ىستەگەن ءجون - 6 ساۋالعا جاۋاپ
تىزە قىتىرلاسا زيان با؟
جوق، تىزەنىڭ قىتىرلاپ، سارى سۋ سىقىرلاعان سياقتى دىبىس شىعۋى قالىپتى. ءبىراق قىتىرمەن بىرگە اۋىرسىنۋ، قاقساۋ سىندى بەلگىلەر بولسا، وندا ءقاۋىپ باسقا. بۇل - پاتولوگيانىڭ بەلگىسى. مۇندايدا دارىگەرگە قارالىپ، سەبەبىن ءبىلۋ قاجەت.
تىزە قاقساسا، نە ىستەيمىن؟
ەڭ الدىمەن، تىزە نەدەن اۋىرسىنىپ، نەدەن قاقساعانىنا ءمان بەرىڭىز. جۇرگەندە مە، وتىرىپ- تۇرعاندا ما الدە جۇك كوتەرگەندە مە... كەيدە تاۋعا شىققاندا، مارافون جۇگىرگەندە تىزە اۋىرىپ، كەيدە قاقساۋى مۇمكىن. وندايدا ءبىراز دەمالىڭىز. قابىنۋدى باساتىن ءدارى جاعىڭىز. ال ءبىراق اشى اۋىرسىنۋ كەتپەسە جانە ءجۇرىپ- تۇرعاندا ۇنەمى اۋىرسا، وندا دارىگەرگە قارالىپ، م ر ت- عا ءتۇسىرۋ قاجەت.
دارىگەرگە باراردا مىنا نارسەلەرگە ءمان بەرىڭىز:
- تىزە قاي كەزدە اۋىرادى، قاتتى سالماق سالعاندا ما، باسپالداقپەن كوتىرەلگەندە مە، ءجۇرىپ- تۇرعاندا ما...
- قاي تىزە ىسىپ اۋىرادى؛
- بۋىندى ۋقالاعان كەزدە، تىزە اۋىرا ما الدە جوق پا؛
مىنە، وسىنى ءبىلىپ الىپ، دارىگەرگە ءبارىن ايتىڭىز.
سپورتپەن اينالىسقان ادامنىڭ تىزەسى «قۇرتىلاتىنى» راس پا؟
جوق. كەرىسىنشە، سپورت مەن قيمىل- قوزعالىس بۋىن- ءسىڭىر جۇمىسىن جاقسارتىپ، تىزەگە كۇش بەرەدى. ءبىراق ءبىر نارسەنى ەسكەرگەن ءجون. تىزەگە قاتتى اۋىرلىق تۇسىرۋگە بولمايدى. سپورتپەن اقىرىڭداپ اينالىسقان ابزال. تىزە مەن بۋىنعا سپورتتىڭ ءوزى ەمەس، وسكە تۇسىرەتىن كۇشتىڭ اسەرى زيان كەلتىرۋى مۇمكىن. ماسەلەن، جۇگىرۋگە شىقتىق دەڭىز. ءبىراق جۇگىرۋگە شىققان اياق كيىم دۇرىس بولماۋى مۇمكىن. جۇگىرەتىن ادامنىڭ كوبىنەن وستەوارتريت شىعىپ جاتاتىنى سودان.
ەگەر جۇگىرۋ دۇرىس ەمەس دەسەڭىز، وندا جاياۋ ءجۇرىڭىز نەمەسە سكانديناۆيا جۇرىسىمەن شۇعىلدانىڭىز. وندايدا تىزەگە تۇسەتىن كۇش از بولادى.
«تىزە جاس وتكەن سايىن السىرەيدى» دەگەن راس پا؟
جوق، ولاي ەمەس. تىزەنىڭ «جارامدىلىق مەرزىمى» جوق. ەگەر دۇرىس تاماقتانىپ جۇرسەڭىز، قيمىل- قوزعالىسىڭىز مول بولسا، زياندى ارەكەتتەردى (ىشىمدىك مەن تەمەكى) تاستاساڭىز، جاراقات العان جاعدايدا جىلدام ەمدەتىپ جۇرسەڭىز، سەمىرمەسەڭىز، وندا تىزەنىڭ كۇشىن 120 جاسقا دەيىن ساقتاۋعا بولادى.
ارتريت پەن وستەوارتريت سەمىزدىك پەن تىزەگە كۇش تۇسىرۋدەن (فۋتبول، اۋىر اتلەتيكا، سنوۋبوردينگ سىندى كاسىبي سپورت) پايدا بولادى.
دۇرىس تاماقتانۋ دەگەنىمىز - اقۋىزى مەن مايى، پايدالى ەلەمەنتتەرى مول تاعام جەۋ.
تىزەنىڭ ءسىڭىرى مەن بۋىنىن اۋىستىرۋعا بولا ما؟
ءيا، وتا جاساپ، جاڭا بۋىن سالدىرۋعا بولادى. وتا ءبىر ساعاتقا سوزىلادى. التى اپتا بالداقپەن ءجۇرىپ، تىزەنى جاتتىقتىرادى. قالىپقا كەلگەننەن كەيىن ءجۇرىپ- تۇرۋعا، وتىرۋعا بولادى. ينفەكتسيا تۇسىرمەي، بارىنشا اباي بولۋ قاجەت.
اقپارات دەرەككوزى: massaget.kz