پوليتسيا دەپارتامەنتىنە ساۋدا ۇيلەردىڭ بىرىندەگى بىرنەشە ساتۋشىدان ارىز تۇسكەن. ءتارتىپ ساقشىلارى تاۋارلار مەن جەكە زاتتاردىڭ ۇرلىعىنا قاتىستى جەدەل ىزدەستىرۋ جۇمىستارىن جۇرگىزىپ، ناتيجەسىندە 53 جاستاعى ەلوردا تۇرعىنىن ۇستادى.
«تەرگەۋ بارىسىندا انىقتالعانداي، كۇدىكتى اراعا بىرنەشە كۇن سالىپ ءبىر ساۋدا ۇيىنەن 6 رەت ۇرلىق جاساعان. ول ساۋدا ۇيىندە بۋتيككە كليەنتتەر كىرگەن كەزدە ساتۋشىنىڭ سوعان قىزمەت كورسەتىپ جاتقان ءساتىن پايدالانىپ، «HUAWEI» ماركالى تەلەفونىن ۇرلاپ كەتكەن. الايدا ۇرلىق فاكتىسى بۋتيكتەگى بەينەباقىلاۋ كامەراسىنا ءتۇسىپ قالعان. ەر ادام وعان دەيىن دە ۇرلىق جاساعان»، - دەلىنگەن حابارلامادا.
كۇدىكتى وسىلايشا ۇيالى تەلەفون، توسەك جاپقىشتى، تاعى باسقا تاۋاردى ۇرلاپ ۇلگەرگەن. جارتىسىن ساتىپ جىبەرگەن. ساتۋشىلارعا 500 مىڭ تەڭگەگە جۋىق شىعىن كەلتىرگەن. اتالعان ءىس بويىنشا قىلمىستىق كودەكستىڭ 188-بابىمەن قىلمىستىق ءىس قوزعالدى. كۇدىكتى قاماۋعا الىندى.
اۆتور: ايان بەكەن ۇلى