قازاقستانعا ۇشاقپەن كەلگەن 6 ادامنان كوروناۆيرۋس انىقتالدى
ءسادۋاقاس بايعابىلوۆتىڭ دەرەگىنشە، قازاننىڭ 6-12-كۇندەرى ارالىعىندا ەلىمىزگە حالىقارالىق اۋە رەيستەرىمەن 14578 جولاۋشى كەلگەن. ونىڭ ىشىندە 11966 جولاۋشىدا پ ت ر انىقتاماسى بولسا، 2596 جولاۋشىدا مۇنداي انىقتاما جوق. سوندىقتان پ ت ر تەست تاپسىرۋ ءۇشىن 2596 قازاقستاندىق ەكى كۇندىك كارانتينگە جاتقىزىلعان.
«تەست تاپسىرعان 2596 ادامنىڭ ىشىندە تەك 6 قازاقستان ازاماتىنان كوروناۆيرۋس تابىلدى. ولار ءارتۇرى اۋە رەيسىمەن جانە ءارتۇرلى كۇندەرى كەلگەن. الماتىعا كەلگەن ءۇش (10 جانە 12-قازان)، نۇر-سۇلتانعا كەلگەن ءبىر (9-قازان) جانە شىكەنتكە كەلگەن ەكى (11-قازان) جولاۋشىدان انىقتالدى»، - دەدى ول.
ونىڭ ناقتىلاۋىنشا، ينفەكسيا وشاقتارىندا ەپيدەمياعا قارسى شارالار جۇرگىزىلۋدە. بۇعان دەيىن ەلورداعا ماسكەۋدەن ۇشىپ كەلگەن ءبىر جولاۋشىدان كوروناۆيرۋس تابىلعانىن حابارلاعان ەدىك.
اۆتور: مارلان جيەمباي