ورالدا 6 جاسار قىزدى الىپ كەتپەك بولعان ەر ادامعا قاتىستى قىلمىستىق ءىس قوزعالدى
19:45, 04 - تامىز 2020
ورال. قازاقپارات - ورالدا 6 جاسار قىزدى الىپ كەتپەك بولعان ەر ادامعا قاتىستى قىلمىستىق ءىس قوزعالدى، دەپ حابارلايدى قازاقپارات ءتىلشىسى.
ب ق و پوليتسيا دەپارتامەنتىنىڭ باسپا ءسوز قىزمەتى ءمالىم ەتكەنىندەي، اتالعان وقيعا بويىنشا ق ر ق ك 24-125-بابى 2-بولىگىنە (ادامدى ۇرلاۋعا وقتالۋ) سايكەس تەرگەۋ امالدارى جۇرگىزىلۋدە. قازىرگى تاڭدا 63 جاستاعى ەر ادامنان ەشقايدا كەتپەۋ تۋرالى قولحات الىندى. ەسكە سالا كەتەيىك، بۇدان بۇرىن ورالدا ەر ادامنىڭ ماس كۇيىندە 6 جاسار قىزدى الىپ كەتپەك بولعانىن جازعان ەدىك.