جەدەل شتاب تاراتقان مالىمەتتەرگە قاراعاندا، ەمدەلىپ شىققانداردىڭ ەكەۋى — اناسى مەن ۇلى، 1950- جانە 1979-جىلعى تاراز قالاسىنىڭ تۇرعىندارى. ەكەۋى دە 2- ساۋىردە اۋرۋحاناعا جاتقىزىلدى.
ءۇشىنشىسى - 1991 -جىلعى جامبىل اۋدانىنىڭ تۇرعىنى. اۋىر جۇك تاسىمالداۋشى بولىپ جۇمىس ىستەيتىن ول رەسەيگە جۇك تاسىپ، الماتى ارقىلى قايتىپ ورالعان. ول دا 2-ءساۋىر كۇنى اۋرۋحاناعا جاتقىزىلدى.
ولار ەكى اپتا بويى ينفەكتسيالىق ستاتسيوناردا بولىپ، ەم شارالارىن قابىلدادى. الگوريتمگە سايكەس، ولاردان كوروناۆيرۋس ينفەكتسياسىنا ەكى رەت زەرتحانالىق تالداۋلار الىنىپ، قورىتىندىسىندا اۋرۋدان ايىققانى راستالدى.
الداعى ەكى اپتا بويى ولار جەرگىلىكتى ەمحانانىڭ ۋچاسكەلىك دارىگەرىنىڭ باقىلاۋىمەن ءۇي كارانتينىندە بولادى.
بۇگىنگى تاڭدا ينفەكتسيالىق ستاتسيوناردا 44 ناۋقاس ەم الىپ جاتىر. ناۋقاستاردىڭ جاعدايى قالىپتى، ولار قاجەتتى ەم شارالارىن الىپ جاتىر. جالپى بۇل وڭىردە كوروناۆيرۋستان 6 ادام ساۋىعىپ شىقتى.