اتىراۋلىق دارىگەرلەر 6-قاباتتان قۇلاعان ءسابيدى امان الىپ قالدى
«2019 -جىلى 6 -قىركۇيەكتە ساعات 18.30 شاماسىندا اتىراۋ وبلىستىق بالالار اۋرۋحاناسىنىڭ جەدەل جاردەم بولىمىنە 2017 -جىلى تۋعان «يىق سۇيەگىنىڭ سىنۋى، تومەنگى جاق سۇيەگىنىڭ سىنۋى، كوپتەگەن قابىرعالارىنىڭ سىنۋى، 1-2 دارەجەلى تراۆماتيكالىق شوك» دياگنوزىمەن جەتكىزىلدى» - دەپ حابارلادى وبلىستىق دەنساۋلىق ساقتاۋ باسقارماسىنىڭ باسپا ءسوز قىزمەتىنەن.
جاراقاتتانعان قىز بالا جەدەل تۇردە جانساقتاۋ بولىمىنە جاتقىزىلدى، دارىگەرلەر ءبىر ساعات ىشىندە بالانى حيرۋرگيالىق ەمدەۋگە دايىندادى، وتا كەزىندە كىشكەنتاي قىزدىڭ كوكباۋىرى مەن ىشكى قان كەتۋلەرى انىقتالدى. الايدا، ءساتتى وتاعا قاراماستان، اۋىر جاراقات پەن كوپ قان جوعالتۋ سالدارىنان تاعى التى كۇن جانساقتاۋ بولىمىندە دارىگەرلەردىڭ باقىلاۋىندا ۇستاۋعا تۋرا كەلدى.
اتا-اناسىنىڭ ايتۋى بويىنشا، ەكى جاسار ءسابي التىنشى قاباتتان قۇلاعان، جەدەل جاردەم بولىمىنە جەتكىزگەن اتا-اناسىنىڭ شۇعىل ارەكەتىنىڭ ارقاسىندا ناۋقاسقا مەديتسينالىق كومەك ۋاقتىلى كورسەتىلدى. دارىگەرلەردىڭ كاسىبي قىزمەتىنىڭ ناتيجەسىندە ءسابيدىڭ ومىرىنە ەش قاۋىپ ءتونىپ تۇرعان جوق.
اۆتور: اباي ابىلاي ۇلى